Video
Read full review
2010-07-21
156 views
打電話訂位時係留言，不過大家唔洗驚，佢會好快覆電話。原來佢得一條線，一講緊就會立即彈去留言信箱。環境： 1) 大廈裝修緊，所以冇得用平時嗰條電梯，要行幾級樓梯。2) 燈光柔和，室內間隔冇乜改變，只係覺得多左d盆栽，綠色左。3) 可能我健碩，所以覺得唔係好夠冷氣。不過見到佢喺所有風位到加左塊野，控制住唔好吹倒客人，算佢幾細心。味道：1) 大家睇完menu，不妨問下哥哥仔當日有乜好介紹，因為好多時佢地唔夠時間印埋喺個menu到。2) 用料新鮮，配菜醬汁講究，連食物既presentation都好得。大家食得好滿意。 Pan-seared Rougie Foie Gras：皮脆心軟，煮既時間剛剛好，讚。拌碟既梨同帶甜既汁都好親個鵝肝，一d都唔溜。精心推介一。 Baked Oyster with Cheese & Spinach：（請留意，依道餸唔喺menu上。）好夠熱，菠菜同芝士既份量適中，每隻蠔都好大好鮮甜。精心推介二。 Lobster Thermidor：（請留意，依道餸都唔喺menu上。）味道非常好，個汁濃而不溜。龍蝦甜美，只係有少少overcooked，不過肉質完全唔嚡，所以扣左一分。
環境：
1) 大廈裝修緊，所以冇得用平時嗰條電梯，要行幾級樓梯。
2) 燈光柔和，室內間隔冇乜改變，只係覺得多左d盆栽，綠色左。
3) 可能我健碩，所以覺得唔係好夠冷氣。不過見到佢喺所有風位到加左塊野，控制住唔好吹倒客人，算佢幾細心。
味道：
1) 大家睇完menu，不妨問下哥哥仔當日有乜好介紹，因為好多時佢地唔夠時間印埋喺個menu到。
2) 用料新鮮，配菜醬汁講究，連食物既presentation都好得。大家食得好滿意。
Pan-seared Rougie Foie Gras：皮脆心軟，煮既時間剛剛好，讚。拌碟既梨同帶甜既汁都好親個鵝肝，一d都唔溜。精心推介一。
Baked Oyster with Cheese & Spinach：（請留意，依道餸唔喺menu上。）好夠熱，菠菜同芝士既份量適中，每隻蠔都好大好鮮甜。精心推介二。
Lobster Thermidor：（請留意，依道餸都唔喺menu上。）味道非常好，個汁濃而不溜。龍蝦甜美，只係有少少overcooked，不過肉質完全唔嚡，所以扣左一分。
Char-grill Australian Wagyuu, Black Truffle Jus：（請留意，依道餸都唔喺menu上。）Perfect 既 medium rare。肉身鬆軟，配上我最喜愛既黑松露sauce，真係令到我拍手叫絕。 精心推介三。
Mille Feuille of Mango：同以前一樣咁好睇同咁好食。好新鮮既生果，pastry好脆，一d都唔溜既甜品。唔食真係走哂雞。精心推介四。
Post
