珍寶王國 (Closed)

今日同事生日去食豪啲啲，咁附近好質素既選擇不多，所以就揀左珍寶王國。點心款色選擇普通，不比普通茶樓多或少。其中一樣係醉雞，花鵰酒味濃郁，啲酒味滲哂入啲雞肉度，而啲雞肉都好滑，加上面頭既幾粒紅杞子吊一吊味令到個味道更加豐富。腸粉方面我地叫左碟帶子腸粉，啲帶子好鮮甜，皮薄餡靚。蝦餃啲蝦都好鮮甜，果然珍寶啲海鮮都有返一定保證，而一隻蝦餃入面都幾多蝦，又爽口又好味。最後麵飯方面我地叫左個海皇窩伊麵，啲伊麵唔會太稔唔會太硬，岩岩好。而佢有一個海皇醬係面，有啲蛋花同蟹肉撈埋一齊，成個汁可以當湯飲埋。價錢方面都知道一分錢一分貨，但係耐唔中一次或者慶祝下開心事都係值得的。