The Bayside

Open Now

Now Closed

好耐冇嚟過紅磡海旁，就算夏天既晚上，因為有海風吹過，所以都好舒服。海逸君綽酒店地下呢間餐廳，坐低食吓嘢，飲吓酒，啱晒成個氣氛。除咗大量酒類選擇，食物一樣好豐富，又有特色。龍蝦堡麵包中間放滿龍蝦肉，每一口都充滿滋味，麵包亦好鬆軟。香脆魚柳墨西哥夾餅墨西哥夾餅中間有香脆魚柳，加上微辣醬汁，惹味有驚喜。炸薯條配黑松露蛋黃醬即炸薯條，熱到一個點，襯熱食，外脆內軟，配黑松露蛋黃醬，會令人食唔停口。和牛肉醬意大利寬帶面將和牛變成肉醬，配意大利寬帶面，和牛香味突出，將意大利寬帶面帶到另一個層次。脆皮乳豬配馬鈴薯乳豬皮薄而脆，肉嫩，有兩款醬汁配搭。三大件配馬鈴薯同青椒好豐富。和牛配黑松露醬及有機蘿蔔 和牛切成長型，口感香嫩，入口有肉汁，同平時食牛扒既體驗好唔同。巴斯克芝士蛋糕配紅莓雪葩芝士蛋糕比想像中仲要大件，兩個人都食唔晒，加埋紅莓雪葩清新一下。Corona 2 for 1Happy hour呢款啤酒買一送一，勁抵玩。