Gathering (Closed)

今日又去元朗行個圈, 同埋小豆丁三人行， 望到呢間餐廳好有聖誕feel， 小豆丁見到就呼叫Merry Christmas , 就係咁我哋畀佢嘅報置吸引住就行咗入去啦。餐廳都好聖诞，有不同大小嘅枱，座位寬敞。職員都好細心同主動，見到有小朋友唔夠高，都會攞坐墊比佢坐得舒服d。番茄醬麵包都好好味牛肝菌忌廉濃湯， 拉左一個好靚嘅花畀你， 一啲都唔馬虎。而且味道好濃， 真係又靚又好味。啤酒脆漿炸日本廣島蠔， 出奇嘅新鮮， 炸粉好薄，正。香草白酒煮鑽石蜆， 啲蜆大大隻脹卜卜， 鮮甜美味，加上辣辣地嘅酒， 好暖胃。蟹肉蟹膏意大利飯， 加埋蟹籽， 啱曬我哋呢啲蟹怪，個飯好creamy。重量級嘅脆炸德國咸豬手， 大隻到不得了，兩個人加一個細路真係食唔曬。熱辣辣嘅蘋果金寶， 好香肉桂味同埋好多提子乾， 為呢餐做咗完美嘅落幕。