麥奀雲吞麵世家 (海港城)

Open Now

Now Closed

今日放工想食清淡野，海港城清淡野選擇比較少。所以就揀咗麥奀記雲吞麵世家試下。大約晚上6:15分，我哋就到咗，餐廳唔大，得幾張枱，客人都係得幾個人，完全不用等位，即刻可以入去。職員服務都唔錯，不停幫我哋加茶，落完單好快就有得食。我哋叫咗：2碗雲吞麵，1份淨牛腩牛筋，1份蠔油生菜。牛腩牛筋都好入味，2款都好食。2個人食份量岩岩好，價錢就少貴生菜正正常常，不過不失。雲吞麵好細碗，唔係好夠食，所以我哋加多份淨雲吞。雲吞皮又軟又滑，仲啖啖蝦肉，好味。總括來說，味道唔錯，不過份量少價錢都略貴。性價比一般。