老媽拌麵 (將軍澳中心)

Open Now

Now Closed

今日同個朋友在將軍澳中心行街，居然見到老媽拌麵開食店還要係剛剛開張試業中以前就話要自己買麵返去煮，現在既然開左食店唔使自己煮，冇理由唔入去試吓睇裝修都幾靚，需然舖面唔大但都幾多位，而且坐得幾舒服餐牌都好多台灣食品選擇，我哋叫左：滷鴨舌、酥炸甜不辣、蒽油嫩雞拌麵、川味紅燒牛肉麵、台灣仙草茶和阿里山高山冷泡茶。台灣仙草茶：味道有d似食涼粉，甘甘、苦苦、甜甜都有d阿里山高山冷泡茶：賣相幾靚，雪凍左入囗涼快，清新回甘香醇滷鴨舌：幾入味，鴨舌嫩滑多肉酥炸甜不辣：入囗好似炸魚蛋，甜甜地煙煙韌韌，點左個醬，味道似食腸粉將甜醬、麻醬和辣醬混埋一齊既味，感覺到甜味比其他味大d，所以食落甜而不辣蒽油嫩雞拌麵：呢個麵冇得選關廟刀削麵，祗可配關廟幼麵，個拌麵撈暈個汁食，好滑好煙韌，好香蒽油味好清新雞件好嫩滑，糖心蛋，蛋白好滑，蛋黃好creamy川味紅燒牛肉麵：我選左刀削麵，好處就係想索多d湯汁，增加囗感，刀削麵既波浪紋口感豐富好彈牙，牛肉湯好濃有少少辣味好惹味，紅燒牛肉好濃牛味而且好腍店內食到既麵和自己買返去煮既一樣噤好食，不過我都係喜歡到店食，因為有好多款式我都未試過