好一鍋海鮮火鍋專門店 (Closed)

天氣開始轉涼， 好自然想食啲熱辣辣暖笠笠嘅嘢暖肚，放工約埋同事去打邊爐就至啱喇。今次book咗旺角瓊華裡面嘅好一鍋，$158任飲任食2.5小時， 九點半後入座只需$138， 平過自己煮， 價錢經濟實惠， 難怪咁旺場超多人等位。 全部湯底免費供應， 我哋兩個人揀了鯊魚骨猴頭菇鍋，湯料都幾豐富 ， 如果人多仲可以揀三款湯底，選擇多蘿蘿。因為肚餓的關係， 我們好快手點了一大堆食物， 每樣都係按人數計算， 貴精不貴多， 份量細d 反而可以食多d 唔同食物。火鍋料種類多多，個人至愛白鱔片，大大片夠新鮮， 鮮鯇魚片也唔錯。 我們鍾意食牛，所以美國肥牛，手切肥牛同滑牛肉都有點，三款質素都唔差， 色澤紅潤新鮮，美國肥牛肉味最濃郁，手切肥牛紋理分佈均勻，入口溶化， 但我最愛滑牛肉，食落嫩滑好正。海蝦新鮮又大隻， 彈牙爽口， 每次只有兩隻，要食多幾轉先夠喉， 最驚喜係牛骨髓都有， 唔係度度有，懷舊嘢一定要試。火鍋紙上的選擇都唔少， 魚類肉類丸類海鮮及蔬菜， 加埋接近90款食物， 選擇也好足夠。埋單每人百多元，就可以收穫一餐豐富美食，地點又就腳，下次可以再約朋友來食過。