皇庭匯 (Closed)

一直對屋邨酒樓不太抗拒, 因為方便又容易搵位, 而且經濟抵食呀。位於觀塘的呢一間, 大約一個月都會幫襯一次的。韮菜豬紅我不吃的, 不過同事話好入味, 而且豬紅大大件不欺場。蝦餃晶瑩通透, 皮薄而肥膏不太多, 可接受。乾燒伊麵很乾身又爽口, 不油膩。蝦腸是特價點心, 不錯。吃完再加多一碟。燒賣正常, 反而菜苗鮮蝦餃的皮太淋。乾炒牛河, 牛肉有 D 柴皮, 炒粉都 ok!甜品叫左芝麻糊, 紅豆沙各一碗 share!紅豆沙太稀, 芝麻糊可以。埋單每人都係 $5x, 以今時今日的生活指數而言, 真係好抵食。