Video
Read full review
2024-06-20
823 views
約咗朋友嚟食晚飯，佢食過尖沙咀分店不過覺得坐得唔舒服，見灣仔開咗新分店就嚟試吓。同朋友坐低咗研究餐牌冇耐，就搵咗經理點菜，留意返係經理本人。點咗5樣，佢亦都有即時覆單，係冇錯嘅。同朋友傾傾吓計發現原來已經過咗半個鐘，其他遲過我哋嚟到嘅人都已經食緊，但我哋一樣食物都未嚟。當朋友正想起身理論走人之時，經理本人笑笑口咁埋嚟問多次我哋係唔係叫咗呢樣呢樣呢樣呢樣同呢樣呀？我答係，佢就秧笑笑口咁話：哦係呀係呀，冇呀我check check啫，因為隔離枱又係叫咗一模一樣嘅嘢食哈哈哈哈哈然後佢急急腳埋去部電腦入單...............白白要我哋等咗半個鐘仲要扮晒嘢，但明明餐廳得6、7枱客，完成唔明佢哋點做嘢第一道菜終於嚟到：（圖左）炸脆球賣相、味道不過不失，同以前喺其他印度餐廳食嘅水準相若.........點知之後嘅菜色每況愈下........第二道：（圖右）samosa本人非常鐘意食samosa，samosa應該係我最愛嘅印度菜色，平嘅貴嘅samosa我都試過，咁難食嘅真係第一次。首先外皮又薄又淋冇口感，餡冇乜味仲要一pat pat咁，平時好怕點薄荷味醬汁但今次忍唔住，要點咗至擺得入口。第三
同朋友坐低咗研究餐牌冇耐，就搵咗經理點菜，留意返係經理本人。點咗5樣，佢亦都有即時覆單，係冇錯嘅。
同朋友傾傾吓計發現原來已經過咗半個鐘，其他遲過我哋嚟到嘅人都已經食緊，但我哋一樣食物都未嚟。當朋友正想起身理論走人之時，經理本人笑笑口咁埋嚟問多次我哋係唔係叫咗呢樣呢樣呢樣呢樣同呢樣呀？我答係，佢就秧笑笑口咁話：哦係呀係呀，冇呀我check check啫，因為隔離枱又係叫咗一模一樣嘅嘢食哈哈哈哈哈
然後佢急急腳埋去部電腦入單...............
白白要我哋等咗半個鐘仲要扮晒嘢，但明明餐廳得6、7枱客，完成唔明佢哋點做嘢
58 views
0 likes
0 comments
第一道菜終於嚟到：（圖左）炸脆球
賣相、味道不過不失，同以前喺其他印度餐廳食嘅水準相若.........點知之後嘅菜色每況愈下........
第二道：（圖右）samosa
本人非常鐘意食samosa，samosa應該係我最愛嘅印度菜色，平嘅貴嘅samosa我都試過，咁難食嘅真係第一次。首先外皮又薄又淋冇口感，餡冇乜味仲要一pat pat咁，平時好怕點薄荷味醬汁但今次忍唔住，要點咗至擺得入口。
252 views
0 likes
0 comments
paneer芝士我都好鐘意食，但呢個咖哩真心唔得，芝士完全冇味，唔知自己食緊咩，口感同食開嘅paneer唔一樣。洋蔥餅完全冇洋蔥、完全冇味，比平常嘅印度餅乾得多，非常難哽。
第五道（已經冇心情影相）：蕃茄飯
餐牌上面都幾多款飯，見蕃茄飯有圖又有兩款醬汁跟，所以就叫嚟試吓，點知嚟到時就係得一碟蕃茄飯，圖文不符！啲飯仲要非常爛，唔洗咬都吞到，飯得蕃茄顏色冇蕃茄味道，每食幾啖就會食到一塊咬唔到嘅香料葉，十分之騷擾。
同朋友嘅結論就係唔洗再嚟呢間，服務、食物都唔得，又唔係特別平。埋單、等𨋢走人時，經理都兩度埋嚟笑笑口Ｒ吹想令我哋冇咁嬲，都算，竟然夠膽R我哋寫好評，真係要俾個叻佢
Post
