Seoul Bros (灣仔道)

Open Now

Now Closed

嚟緊有幾個月都係灣仔上堂，所以會試好多灣仔嘅嘢食，今日第一日就嚟食呢個韓式便當。朋友食過推介，覺得大份又好食，大食嘅我一於試吓究竟係咪真係咁飽🤣牛肉便當 $68睇份量又真係幾抵，飯又多牛肉又多。略嫌牛肉醃得唔夠味，同埋牛肉好老好鞋。沙律粟米個人覺得唔係好夾，其實可以擺啲泡菜😅酸蘿蔔幾好，唔會太酸太甜，可以解膩。炸豆腐，又係一個fusion組合，幾特別🤣特別欣賞佢白飯上面加咗飯素😍炸雞rice bowl朋友嗌咗呢個炸雞飯，好鹹，勁多醬泡菜、蛋、韓式醬汁，撈埋一堆，個味好複雜炸雞外脆內軟，炸粉唔算厚其實分量唔係真係話好多，但係加埋啲sauce真係會好漏好飽抵食方便，但係又唔係話好想再食。