金紫荊粵菜廳 (Closed)

任點任食，對香港人來說，從來吸引。原來，灣仔的金紫荊，已稍稍地加入了點心任食既戰幔。當然，以金紫荊既條件與定位，佢梗係走較高質素路線，但價錢，就十分合理。在眾多選擇之中，不乏「那些年」的懷舊點心，讓大家回味。首先要講的懷舊嘢係灌湯餃，現在愈來愈少地方有得供應，即使是有，也多半是「湯灌餃」。能吃到真正的灌湯餃，姑勿論水準如何，已令人感動。芋角是我喜歡吃的點心之一，這裡的出品，外層炸得鬆脆，芋茸入口軟滑，有水準。去飲茶，當然也要有蝦餃燒賣，蝦餃做成像白兔的樣子，但蒸既時間或過龍，走了樣，不再可愛，還好食味仍是正常。朋友點來了半份薄撐，又即管試試。夠薄身，入口煙煙韌韌，邊位帶脆，且有蔥香，唔錯喎！再來有煎腸粉，雖然賣相麻麻地，但又煎得幾香口，大家後來更要追加一碟添。既然有湯水，我都唔執輸，整番碗，清潤一下。食完咸，無理由冇甜的，反正是任食。馬拉糕，是黑糖版本，質地軟熟，剛巧我們點的三籠，也是邊邊位，很好。今時今日，一提起「菲林筒」，大家都會嘩嘩聲。的確，在今天，這制作咁麻煩的點心，已是罕見。在這兒嚐到，還有滿滿的芝麻香，已心足。最後，是鬆脆又香甜的蛋散，我忍不住吃了兩件。