文華廳

Open Now

Now Closed

MO嘅餐廳真係唔會令你失望，weekday lunch選擇咗嚟文華廳食星級點心。雖然感覺舊裝修更古色古香，但新裝修都令人眼前一亮，地方更寬敞，走modern風格。 Menu上嘅點心雖然寫住三件、四件等，但其實可以根據需求點返需要嘅數量，好讚～ 黑椒和牛酥（三件）168$千絲酥皮外層入口即溶，和牛粒脂香四溢，黑椒調味恰到好處，非常惹味。原隻鮑魚雞粒盞（三件）188$鮑魚炆得非常之軟腍入味，好有驚喜，撻底鬆化有蛋香，食過翻尋味。小蘿蔔盆栽（三件）148$外表夠晒精緻，係蘿蔔造形咸水角，炸得酥脆，內饀係豬肉碎同蝦乾。東星斑燒賣（四件）148$好特別的魚肉燒賣，上面有原片東星斑，點上文華廳的XO醬/辣椒油食一流。