九井壽司 (Closed)

星期六大概12:30到達，可以直入，餐廳裝修好靚，以列車為主題，左手邊係車窗設計，右手邊是地圖設計，入口處有小朋友玩樂區，提供圖書及可以免費拎一隻公仔。餐廳設有小朋友餐具。整體壽司同刺身都比較新鮮，海膽魷魚軍艦，海膽味濃，可惜今日海膽賣晒，見到好吸引，下次一定要再試下。軟殼蟹手卷軟殼蟹份量比較少，屬於香脆有蟹膏。鵝肝壽司值得推介，鵝肝份量適中，外脆內軟，好Juice，唔鹹，煎得剛剛好。蟹柳卷賣相一般，唔算好整齊，飯鬆軟。牛肉拉麵值得推介，牛肉肥瘦適中，拉麵湯底濃郁，拉麵軟硬度適中，吸了湯底，好啱我口味。