52C Medium Rare (Closed)

星期五嘅一點左右去到，店內都有兩三枱客，地下係食石燒，網燒要上樓上。我地兩個人都唔太肚餓，所以叫咗一份石燒同一份烏冬share食。180g 封門柳（跟飯、沙律同羅宋湯）$158唔想食生肉的話，記得要切開先，快熟啲枱邊有燒肉汁，味道一般偏淡，反而加岩鹽味道比較香。雞肉羅宋湯烏冬 $60辣度酸度濃度都恰到好處，撈烏冬同撈飯都好食。人手唔多，用自助點餐機落單，上菜速度偏慢。枱面較細，兩個餐盤岩岩好位，張櫈幾好坐。店內有得斟水，而最欣賞係有洗手盤，食完飲啖水再洗個手，大滿足。