Video
Read full review
2015-10-17
1435 views
今年都係江記，老友們話想試試我食開依間大閘蟹質數如何，大家咁有興趣的話，我就搞一次啦！大閘蟹公 6 兩，散叫要 $140 蚊架，叫滿半蘿先 $100 蚊隻，包送貨包葉包醋包糖包薑。成班朋友一齊叫左四十幾隻，抵食呀！我都叫左 5 公 5 乸呢。阿媽扭親腳，話唔食得蟹。阿爸又話怕寒涼會咳，怕膽固醇超標，食 1 隻夠。阿妹話今晚好飽，留返聽晚先食。我攞左 10 隻返屋企諗住每人兩隻麻，依家蒸得 3 隻囉。無緊要，我擺兩隻走聽晚食，其他您地架啦。因為今晚回老家食飯，所以全部食物都由阿媽出手。大閘蟹蒸 15 分鐘，出爐！江記大閘蟹公 6 兩，剛蒸起郁唔到佢一根腳指，等一等。但蟹味飄香，流住口水、忍住激動情緒地等待。放涼左半響，殺呀！一開膏香味直擊腦袋，暈得一陣陣，好香呢！公蟹甘香軟膏彷似狠狠地大巴大巴咁車落黎，您好快啲吞晒我落肚，等咩呀！急忙清理乾淨，掉晒肺、掩、心，再張佢肢解去晒腳，大力擘開！我黎喇！控制不了舌頭跟嘴巴，直衝蟹公黏口軟棉既蟹膏！爆膏濕潤，漿住您整張嘴，甘香鮮甜非常，啜個不停。還有大量蟹膏躲藏係蟹蓋邊緣，當然不能放過，挖得乾乾淨淨，蓋都差不多爛喇！***江記大閘蟹公 6 兩，聽聞
今年都係江記，老友們話想試試我食開依間大閘蟹質數如何，大家咁有興趣的話，我就搞一次啦！大閘蟹公 6 兩，散叫要 $140 蚊架，叫滿半蘿先 $100 蚊隻，包送貨包葉包醋包糖包薑。成班朋友一齊叫左四十幾隻，抵食呀！我都叫左 5 公 5 乸呢。
阿媽扭親腳，話唔食得蟹。阿爸又話怕寒涼會咳，怕膽固醇超標，食 1 隻夠。阿妹話今晚好飽，留返聽晚先食。我攞左 10 隻返屋企諗住每人兩隻麻，依家蒸得 3 隻囉。無緊要，我擺兩隻走聽晚食，其他您地架啦。因為今晚回老家食飯，所以全部食物都由阿媽出手。大閘蟹蒸 15 分鐘，出爐！
江記大閘蟹公 6 兩，剛蒸起郁唔到佢一根腳指，等一等。但蟹味飄香，流住口水、忍住激動情緒地等待。放涼左半響，殺呀！一開膏香味直擊腦袋，暈得一陣陣，好香呢！公蟹甘香軟膏彷似狠狠地大巴大巴咁車落黎，您好快啲吞晒我落肚，等咩呀！急忙清理乾淨，掉晒肺、掩、心，再張佢肢解去晒腳，大力擘開！我黎喇！
控制不了舌頭跟嘴巴，直衝蟹公黏口軟棉既蟹膏！爆膏濕潤，漿住您整張嘴，甘香鮮甜非常，啜個不停。還有大量蟹膏躲藏係蟹蓋邊緣，當然不能放過，挖得乾乾淨淨，蓋都差不多爛喇！***
江記大閘蟹公 6 兩，聽聞好多朋友隻淨係食膏，蟹肉蟹腳全部唔食，仲掉晒去，非常浪費！新鮮蟹肉不知幾鬼鮮甜彈牙，唔識貨。只係要耐心地花點時間，好味道！梅開二度係常識，當然要食多隻啦！滿足滿足！江記保持質數，讚讚讚，無投訴。
Post
