御希大排檔

Open Now

Now Closed

今日放假約朋友去佐敦行街，行到有啲攰諗住喺附近搵嘢食，行到吳松街見到有大排檔味道好香好吸引，即刻入去試下。御希大排檔，完全係港式風情，雖然坐喺臨時熟食檔但係感覺好舒適。坐低第一時間點支大藍妹，冰涼暢快。白灼花螺，花螺肉質爽口鮮甜，唔需要其他調味，淨係食花螺嘅鮮味好足夠。炒蟶子，蟶子size雖然唔大，但係味道好鮮甜，用大排檔嘅炒法，夠曬火喉。火喉控制得啱啱好，蟶子特別嫩滑，香口鮮甜送啤酒一流。炸乳鴿，乳鴿肉質嫩滑，乳鴿皮炸香脆，一啖咬落去入面仲係好juicy。豉汁蒸倉魚，呢個倉魚簡直冇得頂，魚肉嫩滑，豉汁辣椒完全融入咗魚肉入面，食落去啖啖肉又香口有嘢味。配埋白飯真係又開胃又好味。喺香港而家好少見到大排檔，必定會經常幫襯，價錢合理食物質素好。