旺記冰室 (大本型) (Closed)

今日自己一個去食飯，咁就無謂食得太過豐富啦，就揀咗一間快餐店嚟食。咁我都冇好揀飲擇食，咁就去咗收工附近嘅一間餐廳嗰度食，咁呢間呢就叫做旺記冰室。咁呢一間嘅食物選擇其實都好多，不過聽講最出名就係啲豬潤，但係其實我一早已經到咗，六點幾左右其實已經開始落單，不過當時原來啲豬潤已經賣晒。所以我就叫左一個蝦仁滑蛋牛肉飯，加埋杯凍飲都只係$60。味道其實算唔錯，而且個份量都好夠，所以其實性價比都算幾高。咁呢間餐廳就係油塘大本營嗰邊嘅，所以個環境都唔錯因為始終都係係大商場入面。