Video
Read full review
2018-04-05
1715 views
幾年之後，重臨舊地，共餐對象都係細妹，同樣係往大鵬灣拜完外公、外婆、同肥貓寶寶後，今日係2018年4月5日(四)清明節公眾假期。我同細妹講：「嗰度地方好細，位置唔多，如果冇位(我絕對唔想坐出面)，就唯有去第二間吧！」細妹同意，我哋於是碰碰運氣！下午3：45嚟到，咁啱遇上走鬼，門口張摺枱即時要收，我望入店內，見差唔多全店滿座，店主伯伯問我係咪一個？我話兩個！咦，咁啱有張枱可搭，兩個位！我同細妹講句「唔該」，即刻坐低。坦白講，論環境，呢度絕對狹窄同擠逼，我哋坐低咗都唔敢大郁，但呢間家庭式經營小店，我絕對希望帶細妹嚟食多次，因為我睇咗Openrice食評好耐，我想試嗰個五餸套餐，尤其我好鍾意食炒蛋同好想試嗰塊素肉扒！我推薦細妹食呢個套餐，$38五個餸，飯同粥二揀一，我哋兩個都要哂粥，但細妹唔食俾埋我！本來我諗住食唔哂加一蚊攞個兜帶走，點知煮餸嗰女仔(店主伯伯個女)話：「妳睇吓食唔食得哂先？」而結果，我竟然真係食得哂！冇錯！係兩碗粥！原來啲粥唔係淡茂茂，係有鹹味嘅！煲得好綿！好好味！唯一不足之處唔係即時煮滾俾你，感覺唔太熱！講吓五款餸，唔係想hard sell, 但真係五款都好味！！1)炒菜心
我同細妹講：「嗰度地方好細，位置唔多，如果冇位(我絕對唔想坐出面)，就唯有去第二間吧！」細妹同意，我哋於是碰碰運氣！
下午3：45嚟到，咁啱遇上走鬼，門口張摺枱即時要收，我望入店內，見差唔多全店滿座，店主伯伯問我係咪一個？我話兩個！咦，咁啱有張枱可搭，兩個位！我同細妹講句「唔該」，即刻坐低。
坦白講，論環境，呢度絕對狹窄同擠逼，我哋坐低咗都唔敢大郁，但呢間家庭式經營小店，我絕對希望帶細妹嚟食多次，因為我睇咗Openrice食評好耐，我想試嗰個五餸套餐，尤其我好鍾意食炒蛋同好想試嗰塊素肉扒！
我推薦細妹食呢個套餐，$38五個餸，飯同粥二揀一，我哋兩個都要哂粥，但細妹唔食俾埋我！本來我諗住食唔哂加一蚊攞個兜帶走，點知煮餸嗰女仔(店主伯伯個女)話：「妳睇吓食唔食得哂先？」而結果，我竟然真係食得哂！冇錯！係兩碗粥！原來啲粥唔係淡茂茂，係有鹹味嘅！煲得好綿！好好味！唯一不足之處唔係即時煮滾俾你，感覺唔太熱！
講吓五款餸，唔係想hard sell, 但真係五款都好味！！
1)炒菜心：新鮮翠綠，爽脆入味，一啲渣都冇！
2)葡汁薯仔椰菜花：薯仔好腍又入味，椰菜菜軟硬度適中！
3)炒蛋：屬全熟款，冇乜蛋汁，雖然本身我鍾意冇咁熟，有少少蛋汁最好，但感覺都好味，唔會過老！
4)素雞：即係腐竹皮，厚度適中，絆汁一齊食，唔硬亦唔膩，好味！
5)素扒：味道鮮，有咬感，好似我平時食啲素肉乾嘅味，但冇咁乾咁硬，我好鍾意！
南瓜湯同豆漿二揀一，細妹要南瓜湯(我試咗一啖，有南瓜茸，充滿南瓜嘅甜味！)，我要凍豆漿(甜味亦夠，不過如果大杯啲則更好！)，我哋各適其式，但同樣感滿意！
比我哋早到、坐喺我哋對面嗰對年老夫婦，丈夫食套餐，太太點炒飯，丈夫食得好滋味，太太嗰炒飯就要等，送嚟時，大碟到我都嚇親，至少有三大碗飯嘅份量！！！
呢度好多都係熟客，大家都應該俾佢哋嘅家庭式人情味同家常菜味道吸引！唯一美中不足除地方太細外，係佢哋太多客人太過忙，有時豆漿等order要order兩次提一提佢先記得俾！囡囡企喺樓面櫃台整套餐、爸爸招呼客人倒豆漿，另有一個好似叫成哥嘅係廚房入面炒飯，兼有一位嬸嬸喺後巷洗碗，一家人團結一致，忙得嚟好開心！
埋單時，囡囡同我講：「咪食得哂～」我笑住回應：「係呀！竟然食得哂！但應該飽到今晚！真係好耐冇食過咁多嘢！」
我讚佢哋啲餸好食，同囡囡講，我會再喺Openrice寫食評，囡囡講多謝，希望佢哋睇得到！
後記：店主伯伯始終年紀大，有時囡囡要提醒佢，不停叫「老豆呀老豆～」對於有等於冇老豆嘅我嚟講，覺得佢哋嘅對話好溫馨！好溫暖！
「素食新一代」～ 假如大家唔介意坐得逼，我阿肥誠意推薦！
Post
