大滿屋日本料理 (Closed)

好耐冇同細佬食飯, 所以約左佢食放題。 可以慢慢食, 醫肚之餘又可以傾下計, 一舉兩得。 入座之後望下周圍環境, 幾靚! 有唔少魚仔嘅裝飾, 無論是吊飾同埋掛牆嘅都有, 有心思!刺身我地準備叫野食嘅時候突然有侍應拎左一份刺身出黎。 我地話仲未叫喎, 侍應就話呢份是每枱都會供應嘅刺身盆, 方便客人唔使寫紙。 幫客人慳時間又環保, 抵讚! 而刺身方面都好新鮮, 有三文魚, 甜蝦, 油甘魚, 鮑片, 帶子等等, 款式都幾多, 唔錯!壽司新之座呢個壽司新之座其實是張紙個名, 我估是新創壽司咁解, 兩款壽司分別是花之戀人同埋香蔥拖羅脆餅。 個人覺得花之戀人就冇乜特別, 只是普通嘅花之戀, 有三文魚同蟹籽仲有沙律醬嘅配搭。 反而香蔥拖羅脆餅就幾有心思, 用兩塊小脆餅夾住壽司飯, 面頭再放上拖羅。 如果香蔥唔用洋蔥而轉為青蔥會更加好味。 不過整體都唔差!手卷呢到有三款手卷, 分別是火之戀手卷(左上), 海膽手卷(右上), 同埋軟殼蟹手卷(下)。 味道唔錯, 而且做得比較細少, 唔會食一隻手卷已經飽肚。 可惜嘅是主角佔嘅份量實在太少, 如果比例冇咁懸殊會好好多。燒焗料理我地仲試左三款料理, 有鹽燒青花