淘園火鍋館

Open Now

Now Closed

冬天梗係最岩成班friend打邊爐，呢晚我哋一行四人去到淘園火鍋店食火鍋。打邊爐最緊要係個湯底，因為有人吾食辣，所以叫咗老少咸宜嘅蕃茄大眼雞湯底。入面好足料，有粟米，蕃茄，薯仔及煎香咗嘅大眼雞。打邊爐之前飲一啖，有一種魚嘅鮮味，忍吾住飲多兩碗。我哋叫咗好多唔同嘅配料，有本地新鮮手切肥牛，白鱔片，潮州三寶丸，西洋菜，娃娃菜，及一個小食薑蔥撈魚皮。最深刻印象就係本地新鮮手切肥牛，每一片肥牛嘅雪花紋理都好靚，紅白相間，食落口有一種爆汁嘅感覺，juicy美味。而且鍾意呢度環境夠大，四個人坐一大張圓枱，好舒服。