MOS Burger (Closed)

記得MOS初初到香港時食過覺得價錢較貴，而包又細細，所以好少會黎食。前排係蘋果優惠到搶購到以$24買一個餐，所以今次就黎食。黎到先知原來同依家麥記嘅價錢相差都唔係咁大，而且，個包好似大左，材料都比較新鮮高質，仲有呢間服務員相當好，相信之後會多左黎食。 摩斯漢堡 $26 + 細薯條加飲品 $19 熱辣辣有分量嘅包，蕃茄厚厚一塊又新鮮，漢堡扒肉味算重，醬汁係肉醬加碎洋蔥，洋蔥味重，無平時一般食個啲咁咸咁酸，好惹味，仲覺得好清新減少肥膩感。厚切薯條做到外脆內軟，好味。 脆雞漢堡 $24 + 細薯條加飲品 $19相比之下，較為失色，不過都好好味，脆雞塊厚身，配上千島醬同好爽口嘅生菜絲，感覺好新鮮。