Papa Gomes

Open Now

Now Closed

咁啱今天工作要上半山那邊，午餐又想吃印度餐，響中環自動行人梯、摩羅廟街旁正好有間印度餐廳，一於試下!餐廳空間不大，但餐牌食物款式都算唔少!  見到餐牌有"阿富汗咖哩羊肉" 套餐，一於試下! 套餐以類似快餐的三格餐盤盛載，有沙律同埋咖哩角，沙律主要由椰菜、洋蔥等配菜，加上甜醋，味道清新醒胃!咖哩角大大件，皮脆餡足，裡邊係美味的薯仔。平時Masala Lamb就食得多，而今次呢個阿富汗羊肉相對比Masala的味道辛辣一點，而羊肉已被香料醬汁醮到嫩而不羶，肉質充實。薄餅大概有四五塊，但相當飽肚，絕對足夠。一啖咖哩汁加薄餅，一啖羊肉，正正是印度餐的滋味所在!飲品方面有鹽味乳酪。平時芒果lassi飲得多，今次試下飲咸乳酪。第一啖入口會覺得咸咸的，但之後再呷一啖就覺得幾好味。