定食8 (Closed)

今日去開荃灣，經過定食8，竟然無咩人排隊，所以就決定今日午餐就食佢。唔洗排好耐，5分鐘左右就入到去坐。當然即刻叫左我最鐘意食果個滑蛋吉列豬扒定食啦。先講左啲滑蛋先，好香既蛋味，一般外面食滑蛋吉列豬扒飯啲蛋一係太烯，一係過熟。今次定食8所整出黎的剛剛好。唔會太硬，可以餸晒一碗飯。其次吉列豬扒又唔會比蛋汁浸到淋晒，咬落個炸皮仲好鬆脆，肉質很好唔會有雪藏味，配埋個湯，今日個午飯就完美完成，順帶一提，加杯野飲都係只收半價。