芽莊越式料理

Open Now

Now Closed

今日同屋企人黎東薈城行街，行左好耐行到好攰。到咗五點鐘左右，就想搵啲嘢食。本來諗住搵下午茶食，不過行咗幾間都冇lunch set。最後，就揀咗呢一間越南菜。由於時間只係五點幾，所以間舖都冇乜人，唔使等位。但係屋企人話，呢間野夜晚要等好耐位嘅。所以想黎食嘅話，就記得早啲嚟啦。我哋三個人，叫咗兩個生牛肉河，同埋一個香茅牛肉撈檬。個生牛肉可好好食，個湯底好有香料嘅香味。啲牛肉亦都非常嫩滑😋😋佢係真係生嘅，落到湯浸左陣，就變成半生熟。而個香茅牛肉撈檬，味道都唔錯，但係個人應為個河粉比較出色。東薈城嘅食肆比較少，我諗呢一間都算比較好喇。