三代目 (愉景新城)

Open Now

Now Closed

之前同老婆去荃灣，夜晚想食間好既日本餐廳，於是就去咗呢間三代目，真係每一樣嘢食都超好味 👍🏻酒漬鮮鮑，有好香嘅花雕酒同埋當歸味道，鮑魚肉質好嫩滑又鮮甜，真係令人回味～ 👏🏻大蜆味噌煮，大大粒蜆肉除咗鮮甜，配埋味噌嘅香味就更上一層樓，食完蜆仲可以飲埋個味噌湯，正！紫蘇燒豚梅肉拉麵，叉燒肉用左五花腩，入口即化，配上濃厚嘅湯汁，仲有紫蘇葉特有既香味，好好味！😋芝士焗蠔，又大又多汁既蠔好嫩滑，加埋焗到好香既芝士，呢個配搭無得輸～味噌甲羅燒，先將蟹膏、蟹肉、蟹子、鵪鶉蛋撈勻，之後連埋芝麻醋飯，用脆脆紫菜包住食，簡直係人生一大享受！😎鮮海膽一口壽司飯，海膽非常鮮甜濃郁，連埋青瓜爽脆嘅口感一齊食，真係一流！火炙帶子一口壽司飯，帶子都好嫩滑，火炙咗之後仲有啲微微焦味，加埋上面既柚子香，別有一番風味～牛之拼盤(牛舌、一口牛、牛肉蘆筍)，三款都好特別，牛舌肉質滑嫩，一口牛肉汁多味美，牛肉蘆筍有啲清淡嘅味道，仲有牛肉嘅香味，全部都唔會韌，好好食！😋玫瑰荔枝烏龍，好香既荔枝味，飲落唔會太甜，仲有啲花香味，好飲～檸檬薑蜜，檸檬既清新加上薑蜜既辛甜，味道不錯～樣樣都咁好食，好期待下次再試佢其他菜色 👀