Video
Read full review
2014-10-15
1009 views
去完旅行社，好想坐低食個飯，因為已經三點幾，過了午餐時間，餐廳只有兩枱客！我望見門口個午餐餐牌幾好（呢間可能無下午茶）咪行入去，呢度係商場大堂中央，桌椅無間隔，甚至連牆都無，只有啲矮圍籬圍起個餐廳範圍，超級開揚，不過光猛乾淨，淺木桌椅配上蘋果綠色，好搶眼！安排坐外圍餐枱，店員攞餐牌比我睇！食物選擇都好多，食物以日式為主，加啲東南亞風味！而甜品都90%以抹茶為主，我其實想試甜品！叫了：照燒雞肉拌溫泉蛋丼（$64）：食物賣相好靚，綠白紅好搶眼，雞肉淋身唔嚡，不過唔似煎過，因為雞皮唔係脆，燒汁杰身偏甜，撈埋溫泉蛋汁加落珍珠飯度，好好味道！難得蔬菜新鮮爽脆，蕃茄厚肉，面頭沙律牆先搶口，初時見以為係芝麻醬，食落酸酸地，中間仲有好多粒粒（唔知係乜）好開胃！餐飲--煎茶：餐飲凍嘅選擇只有綠茶，熱嘅係玄米茶、煎茶、綠茶，其他嘅就可以餐牌飲品減$10，我揀咗煎茶！上枱係用茶壺上，已經加分，因為我喜歡飲熱飲，最怕溫度涼了！茶壺保溫能力好！不過要焗一陣先出味，但茶味唔太濃，一般！之後都好飽，食唔落太飽肚的甜點，所以叫了：天突黑蜜葛粉條（$29）：主要係比個食具吸引！一個木盒仔裝住個葛粉榚，食時用木槌將粉榚推
食物選擇都好多，食物以日式為主，加啲東南亞風味！而甜品都90%以抹茶為主，我其實想試甜品！叫了：
照燒雞肉拌溫泉蛋丼（$64）：食物賣相好靚，綠白紅好搶眼，雞肉淋身唔嚡，不過唔似煎過，因為雞皮唔係脆，燒汁杰身偏甜，撈埋溫泉蛋汁加落珍珠飯度，好好味道！難得蔬菜新鮮爽脆，蕃茄厚肉，面頭沙律牆先搶口，初時見以為係芝麻醬，食落酸酸地，中間仲有好多粒粒（唔知係乜）好開胃！
餐飲--煎茶：餐飲凍嘅選擇只有綠茶，熱嘅係玄米茶、煎茶、綠茶，其他嘅就可以餐牌飲品減$10，我揀咗煎茶！上枱係用茶壺上，已經加分，因為我喜歡飲熱飲，最怕溫度涼了！茶壺保溫能力好！不過要焗一陣先出味，但茶味唔太濃，一般！
之後都好飽，食唔落太飽肚的甜點，所以叫了：
天突黑蜜葛粉條（$29）：主要係比個食具吸引！一個木盒仔裝住個葛粉榚，食時用木槌將粉榚推出，木盒出口係個網！會將個粉榚切成粉條，落埋啲黑糖水，撈埋一齊食，冰凍葛粉條好滑溜，好像食甜抹茶冷麵！清甜黑糖水唔會過甜！好清新一道甜品！配一杯熱玄米茶，玄米味好香，比我叫嘅煎茶出色好多！又可以解膩！
服務員只有一個在大堂，上菜收碟都好有禮，問佢餐飲嗰幾款熱茶嘅分別，都好有禮貌答！我食甜品都會示範比我睇點做！
廁所要到商場廁所，有清潔阿姐長駐，好乾淨！good!
Post
