Video
Read full review
2023-05-05
10 views
餐廳門口嘅霓虹燈超有feel，入到去環境係濃厚美式風情，勁正！🇺🇸餐廳有個Set Menu For Two ($238/pp)，包沙律、小食、雞翼、pizza同每人一杯啤酒，定價親民呢！🥗Alvy’s Caesar 腐乳汁凱撒莎律呢度嘅菜式係中西fusion，除咗用上腐乳汁，沙律嘅配料仲加咗叉燒同炸雲吞皮，超級特別！🍖Meatballs in Sunday Sauce 招牌肉丸肉丸由豬肉同牛肉混合製成，肉味濃郁！🥃Bourbon BBQ Wings 威士忌燒烤炸雞翼香甜惹味嘅雞翼配上薑蓉忌廉，夠晒突破得黎又幾夾🤣 不過whiskey味就唔係好出喇～🍕Bak Gwei 白鬼叉燒薑蓉薄餅用叉燒同薑蓉嚟整薄餅真係大癲！每啖都充滿港式風味，薑蓉同mozzarella意外地夾，咸香惹味🧀 Pizza係handmade sourdough pizza，個邊位超煙韌，好味！啤酒我哋兩杯都揀咗少爺啤，ANOTHER ONE係session ale，比較輕身同fruity，而JENG係IPA，飲落以苦味收尾，佢相對full body啲，飲落爽啲感覺更襯pizza呢🍻見到佢哋依家做緊飲品freeflow優
餐廳有個Set Menu For Two ($238/pp)，包沙律、小食、雞翼、pizza同每人一杯啤酒，定價親民呢！
🥗Alvy’s Caesar 腐乳汁凱撒莎律
呢度嘅菜式係中西fusion，除咗用上腐乳汁，沙律嘅配料仲加咗叉燒同炸雲吞皮，超級特別！
🍖Meatballs in Sunday Sauce 招牌肉丸
肉丸由豬肉同牛肉混合製成，肉味濃郁！
🥃Bourbon BBQ Wings 威士忌燒烤炸雞翼
香甜惹味嘅雞翼配上薑蓉忌廉，夠晒突破得黎又幾夾🤣 不過whiskey味就唔係好出喇～
🍕Bak Gwei 白鬼叉燒薑蓉薄餅
用叉燒同薑蓉嚟整薄餅真係大癲！每啖都充滿港式風味，薑蓉同mozzarella意外地夾，咸香惹味🧀 Pizza係handmade sourdough pizza，個邊位超煙韌，好味！
啤酒我哋兩杯都揀咗少爺啤，ANOTHER ONE係session ale，比較輕身同fruity，而JENG係IPA，飲落以苦味收尾，佢相對full body啲，飲落爽啲感覺更襯pizza呢🍻
見到佢哋依家做緊飲品freeflow優惠，$300可以2個鐘任飲5款啤酒、House Red & White、罐裝Higherthan、Highball、梳打、檸檬水同果汁，下次真係要黎飲飽食醉了🤪
Post
