Video
Read full review
2018-10-10
37 views
鯉景灣海旁不嬲都係美食嘅集中地，今日黎到西灣河渡輪碼頭隔離一間日式串燒店度食lunch -「埠」日式串燒店。呢度裝修高格調，環境十分清優舒適。有一個好大嘅落地玻璃窗，可以望到鯉魚門嗰邊。出面仲有幾張枱櫈，食客可以食飽係出面食支煙，望下海景，好寫意。言歸正傳，佢地午餐時間有lunch set 。價錢由百頭至二百幾不等 。 難得黎到 ，我緊係要試最豪組合-「串燒定食」（$228）價錢好似唔平，但係其實佢有好多野食- 雞翼、豚肉露荀卷、安格斯牛肉、冬菇、日本絹豆腐、墨魚香腸、車厘茄同日本蕃薯。仲有埋前菜、御飯、沙律、味噌湯同甜品。所以其實可以話抵食。 先上前菜 ，一杯新鮮嘅青瓜、加上味噌醬調味，幾有心思，味道好夾。沙律菜配黑醋汁 ，菜咁新鮮、基本上得投訴。今咁啱黎前落左少少兩，淋濕左少少。見到碗熱騰騰嘅味噌湯，真係好啱呢一刻飲。飲完暖返晒☺️。等左一陣 ，我嘅串燒大餐就黎啦 。一次過咁多串一齊上枱，見到真係覺得好幸福。視覺上每串都燒得好靚。先試安格斯牛，燒得啱啱好 ，入味之餘仲要係好juicy ! 肉係好淋，好美味！日式燒雞翼真係好考基本功，牛都燒得好 ，雞翼又點會差？都係好味啦 ，皮脆肉仲
呢度裝修高格調，環境十分清優舒適。有一個好大嘅落地玻璃窗，可以望到鯉魚門嗰邊。出面仲有幾張枱櫈，食客可以食飽係出面食支煙，望下海景，好寫意。
言歸正傳，佢地午餐時間有lunch set 。價錢由百頭至二百幾不等 。 難得黎到 ，我緊係要試最豪組合-「串燒定食」（$228）
價錢好似唔平，但係其實佢有好多野食- 雞翼、豚肉露荀卷、安格斯牛肉、冬菇、日本絹豆腐、墨魚香腸、車厘茄同日本蕃薯。仲有埋前菜、御飯、沙律、味噌湯同甜品。所以其實可以話抵食。
先上前菜 ，一杯新鮮嘅青瓜、加上味噌醬調味，幾有心思，味道好夾。沙律菜配黑醋汁 ，菜咁新鮮、基本上得投訴。
今咁啱黎前落左少少兩，淋濕左少少。見到碗熱騰騰嘅味噌湯，真係好啱呢一刻飲。飲完暖返晒☺️。
等左一陣 ，我嘅串燒大餐就黎啦 。一次過咁多串一齊上枱，見到真係覺得好幸福。視覺上每串都燒得好靚。
先試安格斯牛，燒得啱啱好 ，入味之餘仲要係好juicy ! 肉係好淋，好美味！日式燒雞翼真係好考基本功，牛都燒得好 ，雞翼又點會差？都係好味啦 ，皮脆肉仲係保持肉汁。豚肉露荀卷係鮮露荀滲透外面包住嘅豚肉油香。正！日本絹豆腐我從來唔知可以咁燒黎食 ，燒到皮脆脆 加上少少醬汁。效果唔錯。墨魚香腸呢個真係我至愛，有粒粒墨魚粒係入面。好味又好𡁻。新鮮車厘茄燒完加少少海鹽帶出食物原本鮮味。日本蕃薯本身甜甜的，燒香左就一流。
最後仲送上一粒小泡芙。真係完美嘅句號。
環境好、食味質素好，真係冇投訴😂
Post
