Video
Read full review
2018-09-07
60 views
放工後既星期二，又同男朋友約會，西環、西營盤高街都係平時候鐘意去既地方，覺得寧靜D、無咁逼，而今晚揀左西灣河，先知呢度有個咁靚既碼頭！渡輪碼頭非常懷舊，仲有營運去鯉魚門、觀塘、同埋少見既東龍州！碼頭一帶都有唔少西餐廳面向海濱長廊，但呢間埠先係真正全視角海景，因為佢正正係碼頭旁邊，無隔開一條馬路，望住無敵海景之餘仲見到渡輪埋岸落船！望住美景，邊飲啤酒邊食串燒都係唔錯既選擇，埠主打食日本串燒，食完可以叫飯糰/ 烏冬等等作結尾～我地叫左12串串燒，覺得啱啱好，可能我地都比較大食😂 串燒逐一燒好就會送上黎，餐廳好舒服，安排每檯有熱石頭既燒烤架，作用係將送上既每一串串燒都保溫，唔會咁快就凍，幾細心既安排！仲提供店內使用既海藻鹽作為調味！首先送上既蘆筍豚肉卷、雞皮、京都絹豆腐，呢3串都燒得好好，用燒得少少脆身既豚肉包住嫩綠既蘆筍！而雞皮我平時絕對唔會叫，怕成口都係油，今次搏下點知佢燒得咁掂！雞皮燒得薯片咁脆，一咬就咔咔聲！半滴油都無！超正～送酒一流！👍🏻 燒京都絹豆腐係店員推介，佢話燒到外皮酥脆好好食，我都覺得咁軟身既豆腐可以串起仲燒得好之餘仲要推介，咁要試試啦！點知真係好驚喜！外皮非常之脆，應該
望住美景，邊飲啤酒邊食串燒都係唔錯既選擇，埠主打食日本串燒，食完可以叫飯糰/ 烏冬等等作結尾～我地叫左12串串燒，覺得啱啱好，可能我地都比較大食😂 串燒逐一燒好就會送上黎，餐廳好舒服，安排每檯有熱石頭既燒烤架，作用係將送上既每一串串燒都保溫，唔會咁快就凍，幾細心既安排！仲提供店內使用既海藻鹽作為調味！
首先送上既蘆筍豚肉卷、雞皮、京都絹豆腐，呢3串都燒得好好，用燒得少少脆身既豚肉包住嫩綠既蘆筍！而雞皮我平時絕對唔會叫，怕成口都係油，今次搏下點知佢燒得咁掂！雞皮燒得薯片咁脆，一咬就咔咔聲！半滴油都無！超正～送酒一流！👍🏻
燒雞皮、絹豆腐、豚肉蘆筍卷
11 views
0 likes
0 comments
燒京都絹豆腐係店員推介，佢話燒到外皮酥脆好好食，我都覺得咁軟身既豆腐可以串起仲燒得好之餘仲要推介，咁要試試啦！點知真係好驚喜！外皮非常之脆，應該搽左醬油去燒，而裡面仲保留到咁滑！
燒京都絹豆腐
$34
12 views
0 likes
0 comments
之後有雞軟骨、月見紫蘇免治雞肉棒、大蔥豬面頰，最特別既係雞肉棒，跟生蛋黃混合醬油作沾醬，免治雞肉做得好好，同出面食開唔同，肉質更札實，啖啖都係無添加雞肉，而雞肉更加入紫蘇葉絲，大大增加香氣！加蛋液入口更滑，算唔算係親子雞棒？
大蔥豚面頰、月見紫蘇免治雞棒
15 views
0 likes
0 comments
之後係串燒必點既燒雞翼～人人自細都鐘意食架啦～雞翼處理得好好，仲保留肉汁唔乾，應該有醃過，連雞翼骨都燒得好香！大啡菇又係勁juicy，正～
雞翼、大啡菇
8 views
0 likes
0 comments
仲有日式燒肉必備牛舌！呢度牛舌一串3件勁厚切，唔係一般既薄薄幾片，外香內嫩，燒到裡面勁juicy！鰻魚控忍唔住叫燒鰻魚，啖啖肉無骨，少少幼骨可以入口的，連埋皮又有多個口感，鰻魚既魚油加燒功令鰻魚燒得好靚，肥美得黎又有鰻魚既彈性，簡單加海藻鹽調味已經好好食，同樣係鰻魚控既你一定要點！而糖心鵪鶉蛋外層加左醬油，所以絕對夠味！裡面超級糖心，好味！鵪鶉蛋更細粒，覺得更滋味！
白鱔、牛舌
5 views
0 likes
0 comments
燒白鱔
$68
6 views
0 likes
0 comments
溏心鵪鶉蛋
$32
13 views
0 likes
0 comments
最後成全愛食蟹之人，叫左松葉蟹鍋燒烏冬，用舊式日本煮鍋，烏冬係稻庭，彈牙，鐘意佢清清地，松葉蟹啖啖肉，最後食返熱辣辣既烏冬真係好舒服！
松葉蟹鍋燒烏冬
$108
5 views
0 likes
0 comments
成晚飲住酒，食下串燒，望下海景，飯後行下海濱長廊，為忙碌既生活減下壓，就算唔出走旅行都可以有同樣享受！加上呢度日本師傅燒烤功力了得，有日本人都黎呢度飲清酒食串燒，絕對值得黎試！
Post
