Video
Read full review
2018-11-02
1135 views
放工係地鐵站會合友人後，話要帶我去一個秘密地方開餐........行左幾分鐘就到啦望見呢個門口再要上一層，推開門原來係一間樓上西餐廳，面積唔算太大，四周掛上七彩掛畫，門口位仲有得夾糖(只要LIKE佢地FB)，幾過癮喎開放式廚房，但無聞到油煙味，侍應比左幾款餐牌我地參考有散叫有二人/四人套餐供應，另有多款手工啤酒選擇今晚點左呢個二人晚市套餐(B)$398餐湯係粟米湯，夠熱又有香甜粟米味，若然加多片多士一齊食就仲好D頭盤選擇炸薯條.黑松露蛋黃醬，熱辣辣炸起，香味四射粗身薯條連帶少少皮，食起黎薯味滿分，配埋黑松露蛋黃醬一齊食，邪惡度急速提升，愈食愈想食一路食緊薯條，呢客香辣蒜片.鮮蝦扁意粉已經送上枱，賣相靚仔，份量足夠二人分享加入辣椒及蒜片一齊炒，確係有D辣度但絶對可以接受，惹味十足! 扁意粉帶點口感，我鍾意! 另外蝦已剝左殼，食起黎相當方便，口感爽口; 另有菇片及甜椒絲豐富左味道及口感層次!另一客主菜為美國安格斯肉眼牛扒 (9安士)，擺盤睇得出有放過心思，以烤薯仔/茄子/蕃茄/秋葵作伴菜件肉眼扒厚薄度適中，灑上黑椒碎提升味道點了五成熟度，用刀切開時已感受到肉嘅彈性，內裏仍帶點紅色，時間
望見呢個門口再要上一層，推開門原來係一間樓上西餐廳，面積唔算太大，四周掛上七彩掛畫，門口位仲有得夾糖(只要LIKE佢地FB)，幾過癮喎
開放式廚房，但無聞到油煙味，侍應比左幾款餐牌我地參考
有散叫有二人/四人套餐供應，另有多款手工啤酒選擇
今晚點左呢個二人晚市套餐(B)$398
餐湯係粟米湯，夠熱又有香甜粟米味，若然加多片多士一齊食就仲好D
23 views
0 likes
0 comments
頭盤選擇炸薯條.黑松露蛋黃醬，熱辣辣炸起，香味四射
炸薯條.黑松露蛋黃醬
16 views
0 likes
0 comments
粗身薯條連帶少少皮，食起黎薯味滿分，配埋黑松露蛋黃醬一齊食，邪惡度急速提升，愈食愈想食
一路食緊薯條，呢客香辣蒜片.鮮蝦扁意粉已經送上枱，賣相靚仔，份量足夠二人分享
香辣蒜片.鮮蝦扁意粉
11 views
0 likes
0 comments
加入辣椒及蒜片一齊炒，確係有D辣度但絶對可以接受，惹味十足! 扁意粉帶點口感，我鍾意! 另外蝦已剝左殼，食起黎相當方便，口感爽口; 另有菇片及甜椒絲豐富左味道及口感層次!
另一客主菜為美國安格斯肉眼牛扒 (9安士)，擺盤睇得出有放過心思，以烤薯仔/茄子/蕃茄/秋葵作伴菜
美國安格斯肉眼牛扒
8 views
0 likes
0 comments
件肉眼扒厚薄度適中，灑上黑椒碎提升味道
點了五成熟度，用刀切開時已感受到肉嘅彈性，內裏仍帶點紅色，時間控制得唔錯
配以一小碗燒汁，就咁單食食到肉味幾出，腍身中帶少少嚼口，邊位有少少脂肪，食起黎多一份油香感
今晚肚餓指數頗高，叫埋呢客牛油果風乾蕃茄菠菜忌醬荷蘭薄餅 ($128)
牛油果風乾蕃茄菠菜忌醬荷蘭薄餅
3 views
0 likes
0 comments
咩係荷蘭薄餅? 原來係類似Pancake，薄身"批"底，上面舖滿牛油果風乾蕃茄洋蔥及火箭菜，全素餡料
食法係要成件捲起食， 口感帶點煙韌，食到邊邊位置就有香脆感，味道清新，食晒成個都唔會過飽! 最驚喜係就算凍左，口感仍然維持煙韌，都係好味道!
餐飲另加$15可轉特式飲品，例如有果茶/咖啡類，食完呢一餐，加埋呢2杯特式咖啡 : 朱古力咖啡及拿鐵，味濃又香滑，相當完滿!
4 views
0 likes
0 comments
Post
