Video
Read full review
2022-07-22
451 views
喺柴灣呢個美食沙漠入面，要搵到食得下嘅嘢都唔容易🥺 不過每次叫外賣都會諗到哩間「滋味堂」，店舖小小只做外賣，全憑老闆娘一手一腳打理，食物大份有質素外，亦感受到濃濃人情味😎《 麻辣撈薯粉 》 $55 5 / 5 🌟🌟🌟🌟🌟𝘌𝘯𝘤𝘰𝘳𝘦 過無數次佢地嘅麻辣薯粉，平時食開湯麵但哩排咁熱一於試下撈麵🤪 配料豐富，有嫩滑彈牙嘅雞腿肉同流心蛋🤤 雞肉大塊又厚肉，份量又多食極都有🤤 紅薯粉雖然淋左少少，但口感仍然煙韌，亦唔會痴到成個麵餅咁🫓 自家製嘅麻辣醬更係惹味又刺激，嗜辣建議要試中辣起！🌶《 日式雞絲冷麵 》 $45 4 / 5 大熱天時胃口麻麻🙁 最啱食呢個透心涼嘅冷麵 🍜滿滿嘅雞肉絲夾雜住爽口嘅筋位，食落爽嫩唔鞋口，青瓜絲拌埋麻醬又惹味又清甜，冷麵份量十足，論性價比冇得輸！簡直係街坊恩物☺《 紅油抄手 》$35 3.5 / 5除咗主食亦有唔少麻辣小食，哩款嘅麻辣底仍然出色，用上較細粒嘅雲吞所以可以好均勻地沾上紅油👍🏻 不過略嫌餡料唔夠香口🤏《 麻辣雞肉 》$55 4.5 / 5如果想加料做餸係好選擇，因為雞腿肉真係好嫩好入味😋👍🏻 除咗雞肉亦有麻辣牛肉、豬耳仔等，都係大份抵食😎 底層仲有
《 麻辣撈薯粉 》 $55 5 / 5 🌟🌟🌟🌟🌟
𝘌𝘯𝘤𝘰𝘳𝘦 過無數次佢地嘅麻辣薯粉，平時食開湯麵但哩排咁熱一於試下撈麵🤪 配料豐富，有嫩滑彈牙嘅雞腿肉同流心蛋🤤
雞肉大塊又厚肉，份量又多食極都有🤤 紅薯粉雖然淋左少少，但口感仍然煙韌，亦唔會痴到成個麵餅咁🫓 自家製嘅麻辣醬更係惹味又刺激，嗜辣建議要試中辣起！🌶
《 日式雞絲冷麵 》 $45 4 / 5
大熱天時胃口麻麻🙁 最啱食呢個透心涼嘅冷麵 🍜滿滿嘅雞肉絲夾雜住爽口嘅筋位，食落爽嫩唔鞋口，青瓜絲拌埋麻醬又惹味又清甜，冷麵份量十足，論性價比冇得輸！簡直係街坊恩物☺
《 紅油抄手 》$35 3.5 / 5
除咗主食亦有唔少麻辣小食，哩款嘅麻辣底仍然出色，用上較細粒嘅雲吞所以可以好均勻地沾上紅油👍🏻 不過略嫌餡料唔夠香口🤏
《 麻辣雞肉 》$55 4.5 / 5
如果想加料做餸係好選擇，因為雞腿肉真係好嫩好入味😋👍🏻 除咗雞肉亦有麻辣牛肉、豬耳仔等，都係大份抵食😎 底層仲有芽菜底幫手索油🤪
以上定價都係透過𝘍𝘰𝘰𝘥𝘱𝘢𝘯𝘥𝘢 落單嘅價錢，印象中現場買都平幾多下，一分錢一分貨鬼叫自己懶😝
———————————————
🏠環境舒適度：外賣🥡
👅舔脷回頭度：💛💛💛💛💛
📸打卡able度：💛💛💛💛
🙇🏻♀️服務滿意度 ：💛💛💛💛
———————————————
Post
