Video
Read full review
2017-11-29
2904 views
朋友生日，諗住帶佢去間特別啲嘅餐廳，就揀左依間土耳其菜，有咩特別？！首先係食物味道唔錯，好少食土耳奇菜，今次食得好開心！因爲我地兩個都好鐘意食菇，前菜揀左食田螺大啡菇伴咖哩汁，好味之選，大啡菇好juicy，配咖哩汁好香口。之後揀左羊肉中東包，又係好好，羊肉好入味香口，又唔太"so"只係太細份，唔夠喉。依個餸好特別，叫燒雞中東塔，食完都唔知點形容，叫左個白飯黎送依個餸，佢似用香料加咖哩粉同蔬菜煮左個湯汁黎煮個雞，幾特別，味道都幾唔錯。之後重頭戲就到啦。就係有肚皮舞表演，個女舞蹈員會逐台埋去圍住你跳，仲會邀請你同佢一齊跳，音樂加上燈光，好有氣氛，令到成餐飯更豐富。最後因爲朋友生日，訂座時講底，有甜品送，都幾有誠意，幾靚，唔知係咩甜品，但似係曲奇夾住啲酸酸甜甜嘅果蓉，我同朋友一致認同係土耳其版嘅鳳李酥
就揀左依間土耳其菜，
有咩特別？！
首先係食物味道唔錯，好少食土耳奇菜，今次食得好開心！
因爲我地兩個都好鐘意食菇，前菜揀左食田螺大啡菇伴咖哩汁，好味之選，大啡菇好juicy，配咖哩汁好香口。
之後揀左羊肉中東包，又係好好，羊肉好入味香口，又唔太"so"只係太細份，唔夠喉。
依個餸好特別，叫燒雞中東塔，食完都唔知點形容，叫左個白飯黎送依個餸，
佢似用香料加咖哩粉同蔬菜煮左個湯汁黎煮個雞，
幾特別，味道都幾唔錯。
之後重頭戲就到啦。就係有肚皮舞表演，
個女舞蹈員會逐台埋去圍住你跳，仲會邀請你同佢一齊跳，
音樂加上燈光，好有氣氛，令到成餐飯更豐富。
最後因爲朋友生日，訂座時講底，有甜品送，
都幾有誠意，幾靚，唔知係咩甜品，但似係曲奇夾住啲酸酸甜甜嘅果蓉，
我同朋友一致認同係土耳其版嘅鳳李酥
Post
