飲茶 (朗豪坊) (Closed)

家中老佛爺鐘意飲茶，今日就帶佢來旺角朗豪坊「飲茶」，老佛爺不嬲對野食要求好高，好煙尖，但老佛爺對呢間餐廳系贊不絕口，佢開心我都好開心。先來講下呢碟前菜：「豬手豬腳」，這是一道涼菜，最愛佢麻辣的醬汁，配上沙姜蓉格外醒胃，豬皮勁Q，煙煙韌韌，十分有咬頭，軟骨部分系爽脆可口，整個口感fresh有余，絕不會感到肥膩。仲有脆藕做配菜，嘎吱嘎吱，好昧到要再encore一份。👍👍👍「流口水雞」，又是一道涼菜，老佛爺不吃雞，但我地就最愛，麻麻辣辣恰到好處，花生米都仲脆，佢呢度涼菜的醬汁真系晤話得，掂！雞肉大舊且嫰，很好👍👍👍蝦餃燒賣都比平時洒樓飲茶質素高，新鮮且飽滿，絕對岩晒一家大細。點心個樣好可愛，淨系造型已經贏左，新鮮蒸點，熱騰騰。「炒蝦腸粉」腸粉細膩爽滑，蝦仁大粒飽滿，好有特色，味道不錯！麥片大蝦，就同想像中有d距離，麥片本身冇咩味道，好在大蝦肉質比較厚。「炒蘿蔔糕」有少少辣，不算太油，都幾入味，做為小菜都是一個好選擇。主食點左一個鐵鍋飯，「近墨者黑」即系墨汁飯，老佛爺大贊佢炒得夠乾爽，炒飯炒得夠乾爽的確系一個重要的因素，有蛋白蝦米等配菜，令到口感不單調。👍 甜品點左麻球，朱古力餡，比較普通😅