上海婆婆 (Closed)

五月四日(星期日)首先,要同老公仔講"天天都是情人節,永遠的愛您!"同老公仔半年既時間,過得非常開心,多謝您呢半件既照顧,帶給我難忘開心既片段!而且仲食左好多好味道既食肆!同時我寫openrice都寫左半年!多謝各位曾經睇過我既食評既網友!我地會繼續努力,去試唔同既野食之後同大家report!今日山長水遠黎到呢度都係搵野食!...都唔算難搵!好快就到左,點幾都要等一陣位,真係幾多人!坐左兩人位,唔洗答檯!叫左:糖醋魚塊:都ok,唔係太甜!同埋d魚炸得幾脆!雞絲水晶粉皮,好多花生醬,我覺得唔錯,老公話jam住個口!上海小籠包,幾好食呀真係,幾多肉汁!奶湯滑津白,唔係好覺得奶既存在!...同埋幾多味精!生磨豆漿,都幾好,唔係太甜!同埋有豆味!絲苗白飯,幾香!其實唔係太特別既好,上海菜既話,有好多都好出色,不過佢地既小籠包都值得一讚!