Video
Read full review
2019-01-08
1374 views
初初投身社會時（若干年前），都有聽過鹿鳴春。傳聞响日本好出名，旅遊書極力推介，專做遊客生意，專食鮑參翅肚，好貴好貴…… 而已事實並非如此！午市套餐 - 五和菜$360 左右（連加一）有4餸一湯白飯4碗，簡直係街坊價平靚正！北京烤鴨都係$460 左右 （連加一）。以尖沙咀老字號食肆嚟講，價錢夠晒佛心！難怪嚟鹿鳴春一定要提早 book 定位！Walk-in 絕對冇可能入座！介紹一下五和菜點（固定菜式一餸一湯，自選三款餸菜） - 腿蓉冬瓜羹 - 金華火腿冬瓜蓉羹，火腿鹹香，高湯味濃，冬瓜蓉晶瑩剔透，看似清淡，味道濃郁 鐵板京蔥牛肉 - 同冬瓜蓉羹一樣係指定菜式。唔好以為固定未必好，相反佢絕對係重點餸菜！鐵板燒到熱一熱，加入蔥京牛肉醬汁，上枱時就啱啱好，蔥香肉嫰仲甜甜地配白飯炒回鍋肉 - 又係另一個下飯菜，回鍋肉微辣，有菜有肉有豆乾 炸芝麻蝦 - 即係炸蝦多士，蝦膠彈牙，多士脆卜卜，多咗層芝麻，香味大爆發作為開胃小食，正呀！奶油扒津白 - 中式白汁，津白滑嘟嘟，火腿蓉鹹香吊出多層鮮味，正正係呢一味奶油津白，令我從此鍾意食菜！烤北京填鴨 - 份量足6位，鴨皮香脆，配小黃瓜，京蔥，特製醬汁，轉眼就
午市套餐 - 五和菜$360 左右（連加一）有4餸一湯白飯4碗，簡直係街坊價平靚正！北京烤鴨都係$460 左右 （連加一）。以尖沙咀老字號食肆嚟講，價錢夠晒佛心！難怪嚟鹿鳴春一定要提早 book 定位！Walk-in 絕對冇可能入座！
介紹一下五和菜點（固定菜式一餸一湯，自選三款餸菜） -
腿蓉冬瓜羹 - 金華火腿冬瓜蓉羹，火腿鹹香，高湯味濃，冬瓜蓉晶瑩剔透，看似清淡，味道濃郁
鐵板京蔥牛肉 - 同冬瓜蓉羹一樣係指定菜式。唔好以為固定未必好，相反佢絕對係重點餸菜！鐵板燒到熱一熱，加入蔥京牛肉醬汁，上枱時就啱啱好，蔥香肉嫰仲甜甜地配白飯
炒回鍋肉 - 又係另一個下飯菜，回鍋肉微辣，有菜有肉有豆乾
炸芝麻蝦 - 即係炸蝦多士，蝦膠彈牙，多士脆卜卜，多咗層芝麻，香味大爆發作為開胃小食，正呀！
奶油扒津白 - 中式白汁，津白滑嘟嘟，火腿蓉鹹香吊出多層鮮味，正正係呢一味奶油津白，令我從此鍾意食菜！
烤北京填鴨 - 份量足6位，鴨皮香脆，配小黃瓜，京蔥，特製醬汁，轉眼就食咗4嚿喇
包點點心 - 原來鹿鳴春都有點心車架！有幸遇上，好奇有咩食？原來全部都係蒸包蒸餃 包點係北方包點，唔同粵式包點 - 南方包點用低筋麵粉，密度低，口質鬆軟輕盈，要做到開籠先叫靚 北方包點用中/高筋麵粉，相對包身軟綿細密，比較飽肚！
至於點心款式，有菜肉包、豆沙包、蒸素餃、小籠包。老派包點，飽肚滿足
服務方面，侍應全部都係大叔輩，有叔父輩嘅幽默，親切風趣！
Post
