Video
Read full review
2018-07-31
4247 views
原本想買細個既老婆餅，但店員話師傅整唔切，淨係得大老婆餅賣，咁都買黎試下啦！大老婆餅無論面積定厚度都絕對對得住佢個名😂有成隻手掌咁大嫁！仲幾厚身添。切開佢黎食果陣，發覺個餡有少少黏度，本來冇咩期望都覺得應該唔差果然！有驚喜！好食呀老婆餅！皮薄餡料足，老婆餅整體軟屬，冬蓉餡係用新鮮冬瓜打成蓉加入麵粉、糖同油整成既。個餡口感煙韌，有少少漿口，真係估佢唔到呀！我中意！味道方面，較清爽唔油膩，唔會好似平時食果啲老婆餅咁甜，認真品嚐，會食到一陣冬瓜既清甜、清香～不過，因為大老婆餅份量大，一個人食曬會膩，食到最尾會覺得越黎越甜，所以最好同身邊既人開心share雖然有小桃酥買，但都係揀左大既><合桃酥好大塊，都幾墜手。試一啖，超級酥脆！合桃酥一咬即開，仲有「咔」一聲，質地鬆化，啲碎會食到成嘴都係食到有雞蛋既香氣，味道調得啱啱好，唔會過甜。澳門出名既手信專賣店既合桃酥係淋淋地既，落左好多豬油，但八仙既合桃酥食落鬆化，用既豬油較少；甜度都低，感覺較為健康。合桃酥表面有幾粒瓜子，但其實起唔到好大作用，食落唔覺瓜子既存在，因為合桃酥本身已經好酥脆、有咬口，唔洗瓜子增加口感都冇得輸！我啱啱食完
老婆餅
$10
229 views
0 likes
0 comments
原本想買細個既老婆餅，但店員話師傅整唔切，淨係得大老婆餅賣，咁都買黎試下啦！
大老婆餅無論面積定厚度都絕對對得住佢個名😂有成隻手掌咁大嫁！仲幾厚身添。
切開佢黎食果陣，發覺個餡有少少黏度，本來冇咩期望都覺得應該唔差
果然！有驚喜！
好食呀老婆餅！
皮薄餡料足，老婆餅整體軟屬，冬蓉餡係用新鮮冬瓜打成蓉加入麵粉、糖同油整成既。個餡口感煙韌，有少少漿口，真係估佢唔到呀！我中意！
味道方面，較清爽唔油膩，唔會好似平時食果啲老婆餅咁甜，認真品嚐，會食到一陣冬瓜既清甜、清香～
不過，因為大老婆餅份量大，一個人食曬會膩，食到最尾會覺得越黎越甜，所以最好同身邊既人開心share
合桃酥
$14
309 views
0 likes
0 comments
雖然有小桃酥買，但都係揀左大既><
合桃酥好大塊，都幾墜手。
試一啖，超級酥脆！合桃酥一咬即開，仲有「咔」一聲，質地鬆化，啲碎會食到成嘴都係
食到有雞蛋既香氣，味道調得啱啱好，唔會過甜。
澳門出名既手信專賣店既合桃酥係淋淋地既，落左好多豬油，但八仙既合桃酥食落鬆化，用既豬油較少；甜度都低，感覺較為健康。
合桃酥表面有幾粒瓜子，但其實起唔到好大作用，食落唔覺瓜子既存在，因為合桃酥本身已經好酥脆、有咬口，唔洗瓜子增加口感都冇得輸！
我啱啱食完飯就去買，見仲暖暖地，本身想試一啖。點知因為脆口，好似上左癮咁咬完一啖又一啖，忍唔住啪左大半個，食完仲想食添！
$14一個合桃酥其實唔算平，但佢入口酥脆、鬆化，甜度唔高，質素咁高，我食得過癮之餘、錢都比得開心
皮蛋酥
$18
167 views
0 likes
0 comments
好大個皮蛋酥啊！
酥皮入面包左成隻皮蛋，所以超大個！
買果陣仲熱辣辣，聞到鹹鹹地同薑味。
酥皮加左開酥既步驟、整得好靚，薄薄既一層，一切就會剝落。酥皮面頭掃左蛋漿，顏色金黃，特別誘人。酥皮唔太厚，唔會成口粉。
皮蛋酥除左原隻皮蛋同酥皮之外，中間仲有一層豆蓉餡。豆蓉有鹽份，中和左甜味，令皮蛋酥食落唔會過甜。
豆蓉餡混合左紅薑、瓜子肉、芝麻同麻醬。
一咬紅薑既香味就飄出黎；
瓜子肉增加左口感，脆脆地、有野咬下；
芝麻同麻醬應該就係鹹鹹地既嗅覺源頭，食就唔多覺。
加埋皮蛋既彈牙，口感豐富，皮蛋味道較淡。
整體黎講，個人覺得八仙餅家最出名既皮蛋酥除左大、餡料足之外，味道方面冇咩驚喜，唔會好似老婆餅同合桃酥咁令我追住去食（可能個人口味問題）
唐餅真係好好味！如果唔係因為太多反式脂肪、唔健康，我會成日食。
要我係合桃酥同老婆餅入面揀一樣我覺得最好食既，對唔住，真係揀唔落手，因為兩樣出品都咁出色！無論啱啱出爐定放左一段時間，皮依然鬆脆，唔影響口感同味道，好抵讚！
八仙啲餅做得咁有誠意，味道、口感都一流，難怪可以咁多年都屹立不倒
雞仔餅都話做得好出色，但店員話做唔切，所以今日唔會有得買，so sad
本身仲想買埋豆沙燒餅，但驚食唔曬就唯有下次再試。
Post
