添記法式三文治

Open Now

Now Closed

最近鍾意咗食越南野所以上網睇吓有咩好食嘅越南野，突然睇到呢間賣越南法式麵包嘅麵包舖，個樣又非常老字號，見到啲comment都唔錯所以專登去佐敦試一試佢。話明老字號門面都是舊式的麵包舖外觀， 外面玻璃貼滿左以前雜誌曾經訪問過呢個普通嘅每一個採訪，證明佢真係咁多年都屹立不倒，真材實料。入到去見到有只得幾款食品可以選擇我揀咗小法包，小法包大概長20cm，每條法包都係新鮮烤出來即做的所以非常鬆脆而且有着法式麵包嘅煙韌，內裏嘅食材有非常有咬口既酸蘿蔔、青瓜、扎肉、豬手肉，鵝肝醬等，每口都可以食到所有嘅豐富食材，味道非常夾，而且因為夾雜着酸蘿蔔青瓜等食材亦都唔會覺得好膩，而且好飽肚。呢間老字號的越式發包唔係度度都有非常值得一試。