盛記

Open Now

Now Closed

夜晚嘅中環，其實真喺唔知食咩好，唔想食太貴，知道有間車仔大排檔一路好受遊客歡迎，但作為香港人一路都無去過，無感受過喱種地道文化。一去到已經大排長龍，大概等咗半個鐘先至有位，一路望住留意啲食客究竟叫乜嘢，最多都係叫椒鹽鮮魷、乾炒牛河同埋生炒骨，決定跟隊試一試。當我落單叫椒鹽鮮魷嘅時候店員都特別提醒佢哋嘅椒鹽鮮魷係濕嘅，其實真係第一次食濕炒椒鹽鮮魷，唔知係咪因為見識少以前食親都係炸嘅。不過講真鮮味係唔錯，味道都特別好，感覺食物都好唔同。乾炒牛河都唔係特別油，生炒骨味道都好適中，唔會太油膩肉質都比較鮮嫩。其實最重要係食嗰種情懷，喺街邊攞張凳仔搭張枱，因為政府都唔再發牌，其實佢哋退休都唔會再食到嚕。