Video
Read full review
2014-12-30
1207 views
聖誕前夕還要返工，所以行咗去灣仔食晏，原先諗住去神虎拉麵食晏，但一去到見到長長人龍唔知等到何時就掉頭走人揾第二間。 行過一兩條街見到路口有塊板“黑龍”拉麵，咁我就走入橫街看看。見沒乜人等那就試試吧 ！食店內只剩下一兩個bar位，入座後先拎張食物點選紙，有三款麵可以揀選，圈咗炭燒牛筋拉麵，選了硬麵、蔥、洋蔥；唔使揀麵嘅粗幼，因為得幼麵咋。檯上座位前放了食物點選紙我碗炭燒牛筋拉麵 ～ 碗麵一上檯我打咗個突囉，咁嘅賣相真係失望，最弊係d牛筋碎拾拾份量又少, 我覺得似餸頭餸尾囉 … 木耳一小撮， 望落成碗麵都油油地，希望味道ok啦。第一件事就係飲番啖湯，湯底都幾“杰” ，唔咸唔淡但都有d油膩 ……同有點“漿”合格的半熟玉子再用筷子叉開隻蛋，睇下內裡咩料先，好彩係糖心嘅 ，不過食落又無乜味，但可以嘅 。麵硬度剛好 d牛筋好“林” ， 加上碎拾拾 ， 感覺自己好悽涼 ...碗麵要HK＄98 ， 完全物不所值 ！！！！
見沒乜人等那就試試吧 ！食店內只剩下一兩個bar位，入座後先拎張食物點選紙，有三款麵可以揀選，圈咗炭燒牛筋拉麵，選了硬麵、蔥、洋蔥；唔使揀麵嘅粗幼，因為得幼麵咋。
檯上座位前放了食物點選紙
我碗炭燒牛筋拉麵 ～ 碗麵一上檯我打咗個突囉，咁嘅賣相真係失望，最弊係d牛筋碎拾拾份量又少, 我覺得似餸頭餸尾囉 … 木耳一小撮， 望落成碗麵都油油地，希望味道ok啦。
第一件事就係飲番啖湯，湯底都幾“杰” ，唔咸唔淡但都有d油膩 ……同有點“漿”
合格的半熟玉子再用筷子叉開隻蛋，睇下內裡咩料先，好彩係糖心嘅 ，不過食落又無乜味，但可以嘅 。
麵硬度剛好
d牛筋好“林” ， 加上碎拾拾 ， 感覺自己好悽涼 ...
碗麵要HK＄98 ， 完全物不所值 ！！！！
Other Info. :
這家拉麵店無乜原因會令我再光顧
(The above review is the personal opinion of a user which does not represent OpenRice's point of view.)
Post
