The Point - Pizza & Pasta (MegaBox) (Closed)

今晚約了朋友去芝士火鍋，臨近聖誕節，餐廳裝飾得特別有氣氛。海鮮芝士火鍋二人餐 $788是日餐湯是南瓜湯，是比較濃稠的南瓜蓉湯，份量幾多。經典凱撒沙律，沙律菜都新鮮，正常發揮。來到今晚的主題海鮮芝士火鍋，鍋底餐牌介紹說採用瑞士著名芝士，芝士味幾香，亦都帶少少酒味。火鍋配料用兩層架盛住，頗精緻，上層放住海鮮，有原隻波士頓龍蝦、南非鮑魚仔、扇貝、虎蝦、法國藍青口，當中虎蝦同龍蝦幾好食，海鮮是上枱時是半熟狀態，要用芝士火鍋再淥熟啲。下層是時令蔬菜拼盤，另外有法國麵包，仲可以無限添加。二人餐海鮮份量幾多，加上點上芝士，蔬菜麵包都食唔晒。最後的甜品雲呢拿泡芙，為今日的晚餐畫上完美的句號。