酩町 (Closed)

作為一個鍾意周圍飲飲食食嘅人，好多時候都會發掘唔同食得開心玩得盡興嘅地方。之前同朋友去過金馬倫道一個地方食lunch留低咗美好回憶，前幾日再次同另一班朋友想繼續重溫愉快聚會感覺，發現原來同一個地方轉左名，依家叫「酩町」，原有師傅同埋員工冇變，加入咗更多新元素，重新再營運。裝修更加有日本居酒屋感覺，多咗嘅燈籠場可以提供俾客人打卡，另外加入咗炭爐串燒，令我哋有更加多選擇，真係充滿驚喜。師傅同員工一如既往嘅服務好好，炭爐串燒味道都好好，今次我哋成班朋友食dinner玩得好開心，食得好滿足，仲飲咗好幾種唔同嘅日本清酒，環境氣氛好好，同左右隔離嘅客人好容易玩埋一齊，對比上一次用餐體驗更加好，呢個絕對係同朋友聚會值得推介嘅一個好地方