Video
Read full review
2010-06-30
18 views
上星期師傅晚上要出席監房聯歡飯局, 雖然係十萬個不願意, 但仍然要出席, 呢d咪叫做人在江湖身不由己, 唯有當席間的不是師傅啦! 由於監房聯歡飯局揀選嘅地點較為偏僻, 而師傅就趁著放監後同飯局前嘅空檔, 過左黎呢區諗住歡樂時光, 飲番杯啦, 點知冇黎一段時間後, 最想去嗰間已經執左, 當下師傅真係十分無癮!無可奈何下師傅唯有四圍走走啦, 點知外面又熱又濕, 咁樣攪法就整溶師傅, 於是就搵個地方坐底, 由於附近冇café, 師傅咁啱見到有mccafe, 就唯有入去坐一陣, 頂住檔先啦! 入到去先購票後取貨係呢間餐廳一貫宗旨, 購票前咁啱比師傅見到有蛋糕, 為免監房聯歡飯局食得唔飽, 於是決定柯打一件蛋糕頂下肚, 眾裡尋它, 最後比師傅揀到嘅幸運蛋糕係叫菠蘿林明頓蛋糕, 再加一杯凍莫卡咖啡! 購票後, 師傅攞住支旗搵個位坐底, 一轉眼成個餐就擺左喺師傅面前, 於是師傅第一時間試下杯凍莫卡咖啡, 一入口師傅已經想即刻噴番出黎, 礙於形像問題先冇咁做, 呢杯莫卡咖啡堪稱師傅有生以來飲過最難飲嘅咖啡, 入口冇朱古力味亦冇咖啡味, 成杯所謂咖啡就淨係得個甜, 係死甜, 所以極度難飲, 收成廿幾蚊
無可奈何下師傅唯有四圍走走啦, 點知外面又熱又濕, 咁樣攪法就整溶師傅, 於是就搵個地方坐底, 由於附近冇café, 師傅咁啱見到有mccafe, 就唯有入去坐一陣, 頂住檔先啦! 入到去先購票後取貨係呢間餐廳一貫宗旨, 購票前咁啱比師傅見到有蛋糕, 為免監房聯歡飯局食得唔飽, 於是決定柯打一件蛋糕頂下肚, 眾裡尋它, 最後比師傅揀到嘅幸運蛋糕係叫菠蘿林明頓蛋糕, 再加一杯凍莫卡咖啡!
購票後, 師傅攞住支旗搵個位坐底, 一轉眼成個餐就擺左喺師傅面前, 於是師傅第一時間試下杯凍莫卡咖啡, 一入口師傅已經想即刻噴番出黎, 礙於形像問題先冇咁做, 呢杯莫卡咖啡堪稱師傅有生以來飲過最難飲嘅咖啡, 入口冇朱古力味亦冇咖啡味, 成杯所謂咖啡就淨係得個甜, 係死甜, 所以極度難飲, 收成廿幾蚊一杯係非常之唔抵, 飲到師傅喊咁口; 再試埋個菠蘿林明頓蛋糕, 菠蘿林明頓蛋糕唔係好大件, 啱晒師傅心水, 蛋糕面鋪滿椰絲, 但椰絲唔香, 加上蛋糕外層都幾硬, 而內裡亦不見得軟熟, 相信係雪得太耐之過, 味道亦非常甜, 菠蘿味甚假, 絕對唔合師傅胃口!
總括黎講食物水準唔掂, 最差係杯咖啡, 環境尚可, 服務普通, 價錢唔平, 兩樣野加起黎要三十幾蚊, 咁嘅質素絕不抵食, 唯一可取係就算幾多人都好, 始終唔會趕客走! 師傅如果唔係要出席監房聯歡飯局, 相信可以慳番幾草野, 是次喊臉絕對走唔甩, 再黎試咖啡嘅機會係零!
Post
