Burger's Friend Forever (嘉峯匯) (Under Renovation)

星期日去左啟德🚢郵輪碼頭附近行吓，喺附近搵到呢間新開嘅BFF Burger 決定買個餐去🏕戶外chill 下。餐廳位於啟德嘉峯匯地下，揸車去買外賣都方便，店舖行現代簡約風格仲有啲型格擺設，有大概8張枱可以堂食。餐牌選擇算多，有多款唔同嘅🍔漢堡亦有🍝意粉同埋🍟美式小食供應，見經典芝士漢堡$75同和牛漢堡$98價錢相差唔遠決定食豪啲揀和牛漢堡，另加$25配薯格同汽水，和牛漢堡配料有炸洋蔥、🧀芝士同溫室豆苗，簡單嘅配料更能夠食到和牛嘅香味，漢堡扒肉味濃郁肉汁豐富，麵包非常鬆軟帶微甜，有驚喜。另叫左8隻🍗煙燻雞翼-$60，惹味得嚟唔會過鹹，每隻都大大隻，皮脆肉嫰。💁🏻‍♀️呢間漢堡店喺將軍澳同旺角都有分店，Burger 高質，食物質素令人滿意，期望佢嚟緊會開更多分店。