肉浦團火鍋放題

Open Now

Now Closed

雖然仍未開放晚市，但已經急不及待約好姊妹出嚟食返餐，因為想慢慢傾慢慢坐，所以就揀咗呢間肉浦團火鍋放題，餐廳門外已經有男神歡迎我哋。餐廳內環境寬敞又夠開揚，讓食客坐得舒服。放題任食由$198起，可以食足90分鐘。仲有午市定食+自助吧放題，啱晒食量一般嘅朋友。自助區有好多唔同嘅丸類，有啲都幾特色，同埋佢嘅丸類都係屬比較高質嘅貨色。蔬菜類都有好豐富嘅選擇，仲有比較少見嘅羽衣甘藍同冰菜。出前一丁屬基本嘢，而最正係有辛辣麵！飲品選擇亦都豐富，仲有佢哋自家製嘅冷泡茶。調味料區亦都一應俱全，除咗打邊爐一定要有嘅豉油之外，仲有麻醬、麻油、辣油、花椒油、柚子醋、沙茶醬，真係好一個混醬。身為港女當然最注重養生，所以我哋揀咗藥膳花雕醉雞湯，鍋底一上枱已經聞到濃濃嘅藥膳酒香。然後我哋就揀咗「團」餐，首先會有首輪牛肉拼盤，入面有「團」餐級別先有嘅封門柳、牛小排、澳洲M5和牛牛肩胛，另有其他牛肉，個人就特別推介封門柳，encore咗好多次。另外仲推介越南虎蝦，餐廳已經將一隻隻蝦串起，非常方便，肉質亦都夠彈牙，打邊爐就最啱食。