Video
Read full review
2023-12-17
56 views
今日同男朋友一齊去到大圍覓食，去到一間位於大圍工廠嘅小店食lunch。個位置大概係由大圍地鐵站行過去10分鐘左右。今次我哋嗌咗兩個餸同一壺嘅橙汁，分別係1️⃣芝士卡邦尼意粉伴63度溫泉蛋(HKD 118)，2️⃣招牌脆爆鹹豬手(HKD 238)3️⃣橙汁。夾埋都係大約400蚊左右。食物: 1️⃣芝士卡邦尼意粉伴63度溫泉蛋(HKD 118)芝士卡邦尼意粉嘅份量我覺得絕對夠兩個人一齊食，個意粉好好食，個芝士味好香。反而想講吓佢嘅溫泉蛋係真係温泉蛋！2️⃣招牌脆爆鹹豬手(HKD 238)個脆爆鹹豬手係舖頭入邊嘅其中一個招牌菜，我自己認為好值得大家一試，個豬手嘅皮非常脆口，鹹豬手好夠味，配埋黃芥辣就啱啱好可以中和左個鹹味添！3️⃣橙汁一壺嘅橙汁份量係好大好多，都想講吓佢呢度嘅橙汁係偏淡嘅味道，我估計因為佢嘅橙汁並唔係加糖溝水出嚟嘅，我推介健康人士一試。環境: 舖頭嘅環境都幾大同幾闊落，坐都坐得比幾舒服。仲有一個露台嘅地方，我嗰日去見嘅天氣都唔錯，有少少涼意，然後仲可以望住出邊嘅綠景😎店員:店員大家都好Nice，又有笑容，問店員推介啲乜嘢嘢嘢食，佢哋都好耐心咁解答。舖頭係12:00先開始營業，我哋係早過12點到，佢都
今次我哋嗌咗兩個餸同一壺嘅橙汁，分別係1️⃣芝士卡邦尼意粉伴63度溫泉蛋(HKD 118)，2️⃣招牌脆爆鹹豬手(HKD 238)3️⃣橙汁。夾埋都係大約400蚊左右。
食物:
1️⃣芝士卡邦尼意粉伴63度溫泉蛋(HKD 118)
芝士卡邦尼意粉嘅份量我覺得絕對夠兩個人一齊食，個意粉好好食，個芝士味好香。反而想講吓佢嘅溫泉蛋係真係温泉蛋！
2️⃣招牌脆爆鹹豬手(HKD 238)
個脆爆鹹豬手係舖頭入邊嘅其中一個招牌菜，我自己認為好值得大家一試，個豬手嘅皮非常脆口，鹹豬手好夠味，配埋黃芥辣就啱啱好可以中和左個鹹味添！
鹹豬手
$238
7 views
0 likes
0 comments
3️⃣橙汁
一壺嘅橙汁份量係好大好多，都想講吓佢呢度嘅橙汁係偏淡嘅味道，我估計因為佢嘅橙汁並唔係加糖溝水出嚟嘅，我推介健康人士一試。
環境: 舖頭嘅環境都幾大同幾闊落，坐都坐得比幾舒服。仲有一個露台嘅地方，我嗰日去見嘅天氣都唔錯，有少少涼意，然後仲可以望住出邊嘅綠景😎
店員:店員大家都好Nice，又有笑容，問店員推介啲乜嘢嘢嘢食，佢哋都好耐心咁解答。舖頭係12:00先開始營業，我哋係早過12點到，佢都肯俾我哋入去坐住等，一入到去仲準備咗杯暖水俾我哋(重要嘅係呢幾日咁啱喺香港最凍嘅時候)
Post
