自家麵

Open Now

Now Closed

一睇「自家麵」呢個名都覺得唔錯，通常自家都有獨特之處吧。 驟眼睇嗰餐牌，確實係花多眼亂，唔知食乜好。 不過食咩餸都其次，最重要喺湯底。 有四種湯底： 清湯、麻辣、酸辣同胡椒。 最引人注目應該喺嗰酸辣湯底， 幅圖例見到湯底深紅色，睇嗰樣覺得相當辣（我估）。 最後我叫左碗豬軟骨寬麵（麵種類：寬、粗、中及幼）。 而湯辣度：中辣（3隻辣椒🌶️）。一碗豬軟軟骨酸辣湯材料有：寬身麵、酸菜、生菜🥬同埋豬軟骨。 豬軟骨唔夠腍，而寬身麵都偏硬（中間）。 酸菜有一種腥味，或者有一種好「野生」味，很難形容的味道。 湯底一點都唔辣，只有賣相係辣；但味道都算幾好。 碗麵份量都幾多，食完都夠飽。 建議落單時，叫煮腍啲嗰麵。