郭仔記粥麵專家

Open Now

Now Closed

其實我之前見燒賣關注組都推薦大埔國仔記呢間嘅燒賣，所以夜麻麻，跑開步，都忍唔住試一試。我自己對於腸粉都略有研究，其實最重要嘅係食佢搭唔搭牙同埋食佢嘅醬料，因為有啲地方，就算腸粉整得好好食都好，但係如果甜醬嘅味道稍為同腸粉唔夾嘅話，其實就算啲腸粉幾好食都冇用。呢度嘅腸粉$11 4條，價錢來講唔算特別貴，咁當然啦，亦都唔算特別平。佢呢度有腸粉套餐可以揀，一碟腸粉有四條，仲可以包含燒賣同埋魚蛋，腸粉係好大牙嘅，每一條都好爽，絕對唔會有整到好稔一坺嘢嘅感覺。燒賣亦都有好香嘅豬油味。之後我叫咗杯凍檸茶，同埋凍檸水，唔算特別甜，茶味亦都比較出，算係幾唔錯㗎啦。