Video
Read full review
2023-05-02
3025 views
食蟹三步曲!第一步，去咗鴨脷洲蟹點食咖哩蟹 (見另文).第二步，因為咖哩蟹好正! 食開咗條引，於是再去礦記生滾粥食水蟹粥 (見另文).第三步，因為礦就太失望，於是再去醉潮館食水蟹粥.其實當初食蟹引大發，上網搵水蟹粥，已經發現醉潮館，但因為路途較遠，我個人唔知點解特別討厭揸車行青葵公路，所以先去幫襯礦記，結果失望而回，但我蟹引未止，唯有遠一遠都揸電單車入去荃灣幫襯.我對蟹粥有三大色香味要求! 顏色金黃色，發出撲鼻蟹香，入口當然有濃郁蟹味同膏蟹香!當年澳門氹仔官也街誠昌水蟹粥，哩三點都做到滿分! 長氣都要講，好慶幸當年有幸食過! 依家? 佢地D粥餵貓都唔食啦! 上網睇醉潮館嘅水蟹粥，色香味只知顏色合格，而眼前枱上嘅水蟹膏，顏色帶少少金黃色，第一要求過關! 起碼眼見都有D蟹膏，膏蟹有大細之分，我問侍應隻蟹臭唔臭，侍應笑哂口話唔臭，唔臭就點大蟹! 餐廳無偷工減料，成隻蟹係哂蟹粥內有齊哂手手腳腳，而且肉質鮮甜.第二點過關，雖然蟹味唔係撲鼻，起碼聞上去有蟹味.由於食過礦記劣質水蟹粥，今次幫襯有好明顯蟹香，第三點合格!雖然另外再點嘅沙爹牛肉炒芥蘭牛肉較韌，串串雞又炸得過火少少唔多夠 Juicy，但水
第一步，去咗鴨脷洲蟹點食咖哩蟹 (見另文).
第二步，因為咖哩蟹好正! 食開咗條引，於是再去礦記生滾粥食水蟹粥 (見另文).
第三步，因為礦就太失望，於是再去醉潮館食水蟹粥.
其實當初食蟹引大發，上網搵水蟹粥，已經發現醉潮館，但因為路途較遠，我個人唔知點解特別討厭揸車行青葵公路，所以先去幫襯礦記，結果失望而回，但我蟹引未止，唯有遠一遠都揸電單車入去荃灣幫襯.
我對蟹粥有三大色香味要求! 顏色金黃色，發出撲鼻蟹香，入口當然有濃郁蟹味同膏蟹香!
當年澳門氹仔官也街誠昌水蟹粥，哩三點都做到滿分! 長氣都要講，好慶幸當年有幸食過! 依家? 佢地D粥餵貓都唔食啦!
上網睇醉潮館嘅水蟹粥，色香味只知顏色合格，而眼前枱上嘅水蟹膏，顏色帶少少金黃色，第一要求過關! 起碼眼見都有D蟹膏，膏蟹有大細之分，我問侍應隻蟹臭唔臭，侍應笑哂口話唔臭，唔臭就點大蟹!
餐廳無偷工減料，成隻蟹係哂蟹粥內有齊哂手手腳腳，而且肉質鮮甜.
第二點過關，雖然蟹味唔係撲鼻，起碼聞上去有蟹味.
由於食過礦記劣質水蟹粥，今次幫襯有好明顯蟹香，第三點合格!
雖然另外再點嘅沙爹牛肉炒芥蘭牛肉較韌，串串雞又炸得過火少少唔多夠 Juicy，但水蟹粥一入口，噢..... 其他菜式唔掂都唔重要了.....
落單時餐廳指正我，正確名稱叫膏蟹粥，唔係水蟹粥! 令我回憶起當年一試難忘其中一個原因，就係被水蟹粥三隻字誤導，當年心諗水蟹粥有咩好食呀! 暗罵朋友帶我去誠昌，以為普通不過嘅水蟹粥真正身份竟然係膏蟹粥，即刻馬上由地獄升上堂神反轉，落差驚訝太大，所以二十多年過去仍然記憶猶新!
醉潮館嘅膏蟹粥雖然唔算特別出色，同當年誠昌比較，個人感覺只有六成功力，但我仍然會再嚟幫襯，起碼質素好過不少香港同澳門餐廳嘅水蟹粥，只不過等入冬先再嚟，因為食完成身好慶好滾!
Post
