Video
Read full review
2017-11-15
1780 views
以一道搶鏡嘅海膽杯打響名堂嘅S2 Kitchen，雖然鋪仔細細，食客依然不絕，其實一直想嚟好耐，都未有名目，卒之趁剛表姨甥女出新書，食番餐日本菜賀一賀佢，希望佢本講本土小動物嘅繪本圖冊能大賣。S2地址就寫威靈頓街，實際鋪面開晌石板街第二截，有少少隱身晌啲小檔口後面，不過，小弟返開中環工，當然一啲都唔難搵。晌街角，已經睇見佢哋張進化版十層海膽杯海報，夠晒吸精。推開趟門入內，居酒屋枱局，細細間，柔和嘅燈光，又坐滿客人，氣氛熾熱。我哋揀坐晌吧位，全程可欣賞到師傅做菜，雖然不停有落單，但見幾位師傅做菜有條不紊，神氣自若。既然成間居酒屋，日本酒、清酒自不然唔少得，就連頭頂都貼上唔酒盒做裝修。不過，唔太飲酒都唔喺問題，後面仲有啲果實油及多款日本果汁汽水供選擇。然而，講到有咩食，真喺比想像中多，仲諗住佢細細間居酒屋，選擇會集中啲。十層海膽杯故然喺依度嘅名物，此外，仲有沙律、佐酒小食、刺身、壽司、卷物、爐端燒、飯麵……等等，概略有超過80菜式。嫌太多搞到花多眼亂，牆上幾塊螢光黑板：樂師傅推介及S2人氣之選，相信幫到患有選擇困難症嘅朋友。十層海膽杯 $398雖然大家都好熟，都簡介紹吓，以燒白飯魚薄片做裝
S2地址就寫威靈頓街，實際鋪面開晌石板街第二截，有少少隱身晌啲小檔口後面，不過，小弟返開中環工，當然一啲都唔難搵。晌街角，已經睇見佢哋張進化版十層海膽杯海報，夠晒吸精。
推開趟門入內，居酒屋枱局，細細間，柔和嘅燈光，又坐滿客人，氣氛熾熱。我哋揀坐晌吧位，全程可欣賞到師傅做菜，雖然不停有落單，但見幾位師傅做菜有條不紊，神氣自若。
既然成間居酒屋，日本酒、清酒自不然唔少得，就連頭頂都貼上唔酒盒做裝修。
不過，唔太飲酒都唔喺問題，後面仲有啲果實油及多款日本果汁汽水供選擇。
然而，講到有咩食，真喺比想像中多，仲諗住佢細細間居酒屋，選擇會集中啲。十層海膽杯故然喺依度嘅名物，此外，仲有沙律、佐酒小食、刺身、壽司、卷物、爐端燒、飯麵……等等，概略有超過80菜式。
嫌太多搞到花多眼亂，牆上幾塊螢光黑板：樂師傅推介及S2人氣之選，相信幫到患有選擇困難症嘅朋友。
十層海膽杯 $398雖然大家都好熟，都簡介紹吓，以燒白飯魚薄片做裝飾，由上而下：黑魚籽、北海道紫海膽、沖繩海葡萄，藍鰭吞拿拖羅蓉、三文魚籽、白蝦
、北海道紫海膽、松葉蟹肉、北海道紫海膽、鮮海帶碎，一層疊一層，賣相吸引，集多種食材嘅鮮味，但又有唔同嘅口感，真喺「鮮」下手為強，啖啖原鮮味。前後三層海膽，喜歡海膽嘅朋友一定可以滿足晒。
牛油果帆立貝洋風沙律 $168喺師傅推介菜式之一，以一個小鐵鍋盛載，份外有型格。顧名思義，就喺以牛油果及帆立貝做主材料，加點火箭菜及車厘茄，淋上欖橄油及蜜糖，因為㗳落味道甜甜哋，可平衡番火箭菜嘅苦味，再放上兩瓣海膽做裝飾。牛油果同帆立貝嘅份量可不少，前者夠熟夠腍，而後者喺刺身級質素，鮮甜且柔軟，綿香嘅海膽更有畫龍點睛之效，整體既可作為一道清新嘅前菜。
牛油果帆立貝洋風沙律
$168
13 views
0 likes
0 comments
清酒鮑魚雞翼 $78隻費為人氣之選第3位，睇吓喺唔喺咁架勢，因為，都未食過近八十蚊一隻雞翼。因為坐晌吧位，可以睇到師傅做菜，即叫即燒，灑鹽落爐，但真喺幾人氣，睇住師傅成晚燒咗唔少隻。
雞翼去晒骨，包實片鮑魚，所以，入口啖啖肉。雞翼非常香脆，肉質嫩滑多汁，鮑魚煙韌有咬口，所以，口感一柔一韌好有趣，不過，食起嚟清酒味就唔太強。
三文魚夾餅創作壽司 $68又一道師傅推介菜式，仲夾埋創作為賣點，一客有兩件，賣相其實普普通通，特別在於口感，以鹹香嘅燒白飯魚薄片夾住黏糯嘅壽司飯，一脆一軟，再鋪上油潤嘅三文魚粒粒，以及卜卜脆嘅蟹籽，聽落口感都豐富啦，食落當然哋切身嘅感受！再晌個沙律醬方面玩啲花款，如蜜糖芥末沙律醬、柚子沙律醬……等等，就更貫徹創作嘅概念。
S2特色海膽火焰卷 $148火焰卷，個名起得夠霸氣，原來碟下已倒咗啲酒，點火先喺戲肉，一下子火光熊熊，極有視覺效果。
S2特色海膽火焰卷
$148
14 views
0 likes
0 comments
雪海板上飄 $318食到尾聲搵個飯麵墊肚，但師傅話有道新菜，喺搵啲蒟蒻麵做，從未聽過有啲咁嘢，令人好奇想試。嚟到就知點解個名改得咗迷幻「雪海板上飄」，因為透過利用乾冰做出大量霧氣，超有意境。
木盒盛載嘅就喺蒟蒻冷麵，幼身到有啲似意大利嘅天使麵，唔算好彈牙，但冷涼清爽，晌製作時已見到師傅淋上薄身唔太重味嘅秋葵汁。此外，伴食嘅仲有店家招牌嘅海膽及黑松露醬，令食味多添一份幽香感，兼且，份量真唔少，夠3個人食呀！。
晌S2消費真喺唔便宜，但食得出用料靚，做菜有創意，而且，喺賣相方面落足心機，確喺抵讚嘅。招呼方面亦唔錯，成晚幫我哋換咗好多次碟，仲有，晌官方FB打卡，有雪米糍送添！
Post
