雲南人家風味餐廳 (Closed)

早排想係新蒲崗搵好西，openrice 搵到呢間雲南人家好似好得，點知第一次去係星期日，冇開摸門釘，今次肯定佢有開就去戰一戰佢新蒲崗一帶小店居多，雲南人家都唔例外！唔係睇openrice都唔知原來佢咁多好評架小店以雲南米線及飯為主，另有特色小食，最特別莫過於炸雜蟲。小妹自問就冇膽量試喇，難得後面有檯年青人勇於嘗試，仲邊食邊問店員呢隻係咩蟲入返正題，我係一心黎試豆花米線既！滑滑豆花配上米線，米線唔會煮得太淋，加上香辣炸醬、酸菜，淋上滾油及醬油，撈一撈勻佢，香噴噴又熱辣辣，仲幾辣下添！所以豆花就可以中和返佢既辣味，唯一要彈下就係食到最尾都幾多油呢到上湯娃娃菜都非常抵食，個湯底竟然有濃濃既胡椒味真係估佢唔到，菜既份量唔算少鴛鴦餌塊- 店員話係雲南既街頭小食，用米餅包住麻醬同甜醬，味道幾特別，鹹鹹甜甜咁，出面真係未食過，記得趁熱食價錢又平又有特色，店員又nice，係僅餘未被趕絕的小店舊區好好享受這一點點的人情及風味，要試就要趁快了！